QR Premer-Ministriniń orynbasary Eraly Toǵjanov áýe jáne barlyq qurlyqtaǵy qatynasty qalpyna keltirýge daiyn ekenimizdi aitty, dep habarlaidy QazAqparat.
«Biz áýe jáne qurlyqtaǵy búkil qatynastardy barynsha qalpyna keltirýge daiynbyz», - dedi Toǵjanov QR Mádeniet jáne sport ministrliginiń týrizm salasy boiynsha alqa májilisinde.
Premerdiń orynbasary qazirgi ýaqytta 23 elmen halyqaralyq qatynas aiasynda 78 marshrýt ashylǵanyn, olardyń aptasyna 259 reis jiiligimen oryndalatynyn atap ótti.
57 ishki marshrýt boiynsha reister tolyǵymen qalpyna keldi jáne 65 turaqty reis júredi.
«Osyǵan bailanysty Densaýlyq saqtaý, Mádeniet jáne sport, Syrtqy ister ministrlikterine basqa da múddeli vedomstvolarmen birlesip, áýe jáne jerdegi shekaralardyń ashylýyn pysyqtaýdy tapsyramyn», - dedi Eraly Toǵjanov.
Sonymen birge spiker birqatar aimaqtarda koronavirýs qarqyny áli de artyp kele jatqanyn atap ótti.
«Qytaiǵa qatysty barlyq derekter Úkimet otyrysynda aityldy. Búginde álemniń 37 elinde virýs órship jatyr. Bul Malaiziiaǵa da qatysty – bizdiń azamattar sol elge de jii barady, sondyqtan áli de belgili bir problemalar bar. Biraq osyǵan qaramastan barynsha jaǵdai jasaýǵa tyrysamyz», - dedi Eraly Toǵjanov.
