قر پرەمەر-مينيسترٸنٸڭ ورىنباسارى ەرالى توعجانوۆ ەۋە جەنە بارلىق قۇرلىقتاعى قاتىناستى قالپىنا كەلتٸرۋگە دايىن ەكەنٸمٸزدٸ ايتتى, دەپ حابارلايدى قازاقپارات.
«بٸز ەۋە جەنە قۇرلىقتاعى بٷكٸل قاتىناستاردى بارىنشا قالپىنا كەلتٸرۋگە دايىنبىز», - دەدٸ توعجانوۆ قر مەدەنيەت جەنە سپورت مينيسترلٸگٸنٸڭ تۋريزم سالاسى بويىنشا القا مەجٸلٸسٸندە.
پرەمەردٸڭ ورىنباسارى قازٸرگٸ ۋاقىتتا 23 ەلمەن حالىقارالىق قاتىناس اياسىندا 78 مارشرۋت اشىلعانىن, ولاردىڭ اپتاسىنا 259 رەيس جيٸلٸگٸمەن ورىندالاتىنىن اتاپ ٶتتٸ.
57 ٸشكٸ مارشرۋت بويىنشا رەيستەر تولىعىمەن قالپىنا كەلدٸ جەنە 65 تۇراقتى رەيس جٷرەدٸ.
«وسىعان بايلانىستى دەنساۋلىق ساقتاۋ, مەدەنيەت جەنە سپورت, سىرتقى ٸستەر مينيسترلٸكتەرٸنە باسقا دا مٷددەلٸ ۆەدومستۆولارمەن بٸرلەسٸپ, ەۋە جەنە جەردەگٸ شەكارالاردىڭ اشىلۋىن پىسىقتاۋدى تاپسىرامىن», - دەدٸ ەرالى توعجانوۆ.
سونىمەن بٸرگە سپيكەر بٸرقاتار ايماقتاردا كوروناۆيرۋس قارقىنى ەلٸ دە ارتىپ كەلە جاتقانىن اتاپ ٶتتٸ.
«قىتايعا قاتىستى بارلىق دەرەكتەر ٷكٸمەت وتىرىسىندا ايتىلدى. بٷگٸندە ەلەمنٸڭ 37 ەلٸندە ۆيرۋس ٶرشٸپ جاتىر. بۇل مالايزيياعا دا قاتىستى – بٸزدٸڭ ازاماتتار سول ەلگە دە جيٸ بارادى, سوندىقتان ەلٸ دە بەلگٸلٸ بٸر پروبلەمالار بار. بٸراق وسىعان قاراماستان بارىنشا جاعداي جاساۋعا تىرىسامىز», - دەدٸ ەرالى توعجانوۆ.
