Qyrǵyzstannyń Osh qalasynda tórt balanyń anasy Zarnigor Zakirovanyń oqiǵasy qoǵamda úlken rezonans týdyrdy, dep habarlaidy ult.kz.
Áieldiń aitýynsha, kúieýi onyń betine qainap turǵan shárbat shashyp, aýyr kúiik jaraqatyn salǵan. Zardap shegýshi oqiǵaǵa otbasyndaǵy janjal sebep bolǵanyn aityp, kúieýiniń ekinshi áiel almaq bolǵanyn málimdedi.
Oqiǵa 2026 jylǵy 9 naýryzda bolǵan. Zarnigor Zakirova sol kúni qyzdary popkornǵa arnalǵan shárbat daiyndap jatqanyn aitqan. Onyń sózinshe, kúieýi qainap turǵan shárbatty úlken ojaýǵa quiyp, qaita qyzdyrǵannan keiin áieliniń betine eki ret shashqan.
Shabýyl saldarynan Zarnigor Zakirova beti men denesiniń birneshe jerinen aýyr kúiik alyp, 27 kún aýrýhanada emdelgen.
Jábirlenýshiniń aitýynsha, kúieýi oqiǵadan keiin Ózbekstanǵa qashyp ketken. Osh qalalyq militsiiasy kúdiktiniń 2 maýsymda ustalǵanyn habarlady. Tergeý barysynda oǵan Qyrǵyzstan Qylmystyq kodeksiniń «Otbasylyq zorlyq-zombylyq» baby boiynsha qylmystyq is qozǵalǵan. Keiin sot kúdiktini bir aiǵa qamaýǵa alý týraly sheshim shyǵarǵan.
Zarnigor Zakirova bastapqyda kúieýin keshirýge daiyn bolǵanyn aitqan. Alaida ol úshin bir shart qoiǵan: ortaq úidi óz atyna nemese tórt balasynyń atyna rásimdeý. Áiel mundai talap qoiýdaǵy basty maqsaty – balalaryn baspanasyz qaldyrmaý ekenin túsindirdi.
Sonymen qatar jábirlenýshi kúieýiniń týystary tarapynan qysym kórsetilip, qorqytý bolǵanyn da málimdedi.
