قىرعىزستاننىڭ وش قالاسىندا تٶرت بالانىڭ اناسى زارنيگور زاكيروۆانىڭ وقيعاسى قوعامدا ٷلكەن رەزونانس تۋدىردى, دەپ حابارلايدى ult.kz.
ەيەلدٸڭ ايتۋىنشا, كٷيەۋٸ ونىڭ بەتٸنە قايناپ تۇرعان شەربات شاشىپ, اۋىر كٷيٸك جاراقاتىن سالعان. زارداپ شەگۋشٸ وقيعاعا وتباسىنداعى جانجال سەبەپ بولعانىن ايتىپ, كٷيەۋٸنٸڭ ەكٸنشٸ ەيەل الماق بولعانىن مەلٸمدەدٸ.
وقيعا 2026 جىلعى 9 ناۋرىزدا بولعان. زارنيگور زاكيروۆا سول كٷنٸ قىزدارى پوپكورنعا ارنالعان شەربات دايىنداپ جاتقانىن ايتقان. ونىڭ سٶزٸنشە, كٷيەۋٸ قايناپ تۇرعان شەرباتتى ٷلكەن وجاۋعا قۇيىپ, قايتا قىزدىرعاننان كەيٸن ەيەلٸنٸڭ بەتٸنە ەكٸ رەت شاشقان.
شابۋىل سالدارىنان زارنيگور زاكيروۆا بەتٸ مەن دەنەسٸنٸڭ بٸرنەشە جەرٸنەن اۋىر كٷيٸك الىپ, 27 كٷن اۋرۋحانادا ەمدەلگەن.
جەبٸرلەنۋشٸنٸڭ ايتۋىنشا, كٷيەۋٸ وقيعادان كەيٸن ٶزبەكستانعا قاشىپ كەتكەن. وش قالالىق ميليتسيياسى كٷدٸكتٸنٸڭ 2 ماۋسىمدا ۇستالعانىن حابارلادى. تەرگەۋ بارىسىندا وعان قىرعىزستان قىلمىستىق كودەكسٸنٸڭ «وتباسىلىق زورلىق-زومبىلىق» بابى بويىنشا قىلمىستىق ٸس قوزعالعان. كەيٸن سوت كٷدٸكتٸنٸ بٸر ايعا قاماۋعا الۋ تۋرالى شەشٸم شىعارعان.
زارنيگور زاكيروۆا باستاپقىدا كٷيەۋٸن كەشٸرۋگە دايىن بولعانىن ايتقان. الايدا ول ٷشٸن بٸر شارت قويعان: ورتاق ٷيدٸ ٶز اتىنا نەمەسە تٶرت بالاسىنىڭ اتىنا رەسٸمدەۋ. ەيەل مۇنداي تالاپ قويۋداعى باستى ماقساتى – بالالارىن باسپاناسىز قالدىرماۋ ەكەنٸن تٷسٸندٸردٸ.
سونىمەن قاتار جەبٸرلەنۋشٸ كٷيەۋٸنٸڭ تۋىستارى تاراپىنان قىسىم كٶرسەتٸلٸپ, قورقىتۋ بولعانىن دا مەلٸمدەدٸ.
