Qaraǵandyda oiynshyq tapanshamen qorqytyp, oiyn klýbynan 4 millionǵa jýyq aqsha urlap ketken kúdiktige qatysty qylmystyq is qozǵaldy, - dep habarlaidy Polisia.kz.
30 qyrkúiek saǵat 12.00 shamasynda Qaraǵandy qalalyq Politsiia basqarmasynyń Jedel basqarý ortalyǵyna qaladaǵy oiyn klýbtarynyń birinde qaraqshylyq shabýyl bolǵany týraly habarlama túsken. Oqiǵa ornyna birden jedel-tergeý toby jiberilgen.
"Politsiia qyzmetkerlerine klýbtyń qyzmetkeri únemi osy mekemede oiyn oinap júrgen klienttiń biri kenetten tapanshaǵa uqsas zatpen qorqytyp, aqsha talap etkenin túsindirdi. Kúdikti kassadaǵy 3,9 million teńgeni qoldy qylyp, oqiǵa ornynan izin sýytqan. 34 jastaǵy kúdikti azamat anyqtaldy. Ol sol mekemedegi oiyn barysynda qomaqty qarjysynan utylyp qalǵanyn, onyń ornyn toltyrý maqsatynda osyndai iske barǵanyn moiyndady", - delingen habarlamada.
Politsiia málemtinshe, ol bundai iske barý úshin oiynshyq tapansha satyp alǵan. Kúdiktiden aiǵaq zat tárkilendi. Derek boiynsha, Qazaqstan Respýblikasy Qylmystyq kodeksiniń 192-babyna ("Qaraqshylyq") sáikes, qylmystyq is qozǵalǵan. Kúdikti ýaqytsha ustaý izoliatoryna qamaldy. Tergeý amaldary júrgizilip jatyr.
