قاراعاندىدا ويىنشىق تاپانشامەن قورقىتىپ, ويىن كلۋبىنان 4 ميلليونعا جۋىق اقشا ۇرلاپ كەتكەن كٷدٸكتٸگە قاتىستى قىلمىستىق ٸس قوزعالدى, - دەپ حابارلايدى Polisia.kz.
30 قىركٷيەك ساعات 12.00 شاماسىندا قاراعاندى قالالىق پوليتسييا باسقارماسىنىڭ جەدەل باسقارۋ ورتالىعىنا قالاداعى ويىن كلۋبتارىنىڭ بٸرٸندە قاراقشىلىق شابۋىل بولعانى تۋرالى حابارلاما تٷسكەن. وقيعا ورنىنا بٸردەن جەدەل-تەرگەۋ توبى جٸبەرٸلگەن.
"پوليتسييا قىزمەتكەرلەرٸنە كلۋبتىڭ قىزمەتكەرٸ ٷنەمٸ وسى مەكەمەدە ويىن ويناپ جٷرگەن كليەنتتٸڭ بٸرٸ كەنەتتەن تاپانشاعا ۇقساس زاتپەن قورقىتىپ, اقشا تالاپ ەتكەنٸن تٷسٸندٸردٸ. كٷدٸكتٸ كاسساداعى 3,9 ميلليون تەڭگەنٸ قولدى قىلىپ, وقيعا ورنىنان ٸزٸن سۋىتقان. 34 جاستاعى كٷدٸكتٸ ازامات انىقتالدى. ول سول مەكەمەدەگٸ ويىن بارىسىندا قوماقتى قارجىسىنان ۇتىلىپ قالعانىن, ونىڭ ورنىن تولتىرۋ ماقساتىندا وسىنداي ٸسكە بارعانىن مويىندادى", - دەلٸنگەن حابارلامادا.
پوليتسييا مەلەمتٸنشە, ول بۇنداي ٸسكە بارۋ ٷشٸن ويىنشىق تاپانشا ساتىپ العان. كٷدٸكتٸدەن ايعاق زات تەركٸلەندٸ. دەرەك بويىنشا, قازاقستان رەسپۋبليكاسى قىلمىستىق كودەكسٸنٸڭ 192-بابىنا ("قاراقشىلىق") سەيكەس, قىلمىستىق ٸس قوزعالعان. كٷدٸكتٸ ۋاقىتشا ۇستاۋ يزولياتورىنا قامالدى. تەرگەۋ امالدارى جٷرگٸزٸلٸپ جاتىر.
