Sanitarlyq epidemiologiialyq qadaǵalaý komitetiniń resmi ókili Erjan Baitanaev Naýryz merekesi qarsańynda el turǵyndaryna úndeý jasady. Ol koronavirýs infektsiiasyn juqtyrýdyń aldyn alý maqsatynda adamdarmen qarym-qatynasty azaitýǵa keńes berdi.
Resmi ókil bul týraly óziniń Facebook-tegi paraqshasynda jazdy, dep habarlaidy QazAqparat.
«Qurmetti dostar! Aldyda mereke kúnderi kele jatyr. Elimiz kóktemniń eń bir jyly da shýaqty merkeleriniń biri – Naýryz meiramyn qarsy alady. Soǵan qaramastan men taǵy da ózimniń jáne áriptesterimniń atynan sizderdi mereke kezinde virýs juqtyryp, jaisyz jaǵdaiǵa tap bolmaýdyń aldyn alý úshin merekeni múmkindiginshe otbasynda qarsy alýǵa keńes beremin. Osylaisha, adamdarmen qarym-qatynasty múmkindiginshe azaitqan durys. Elde koronavirýspen bailanysty jaǵdai ońalyp keledi. Osyǵan qarai túrli is-sharalardy uiymdastyrýǵa resmi túrde ruqsat etilgen. Alaida biz koronavirýs pen onyń shtamdarynyń joǵalyp ketpegenin esten shyǵarmaýymyz kerek. Pandemiia áli jalǵasýda. Virýs mýtatsiiaǵa ushyrap, jańa shtamdar paida bolyp jatyr. Mysaly Qytaida «stels-omikron» shtamy tarai bastady. 17 mln halyq turatyn Shenchjen qalasynda adamdardy oqshaýlap, memlekettik mekemeler qashyqtan jumys isteýge kóshti. Adamdardyń tynys-tirshiligin qamtamasyz etetin qyzmetterden basqa mekemeler men kásiporyndardyń barlyǵy jumysyn toqtatyp jatyr. Biz bunyń barlyǵynan óttik. Elimiz «jasyl» aimaqqa endi. Soǵan qarmastan jaǵdai osylai boldy dep arqany keńge salýǵa bolmaidy. Múmkindiginshe saqtyq sharalaryn nazarda ustańyzdar!» - dedi Baitanaev.
Sondai-aq ol mereke kezinde koronavirýstan basqa taǵamnan ýlanýdyń da qaýipti ekenin eske saldy.
«Sondyqtan tutynylatyn taǵamnyń jaramdylyq merzimine nazar aýdaryńyzdar. Ár adam densaýlyǵy úshin ózi jaýap beredi. Sol sbeepti sizder birinshi kezekte ózderińizdiń densaýlyqtaryńyz úshin jaýaptysyzdar. Mereke vaktsina alyp, al ony alǵandarǵa revaktsinatsiiadan ótýdiń tamasha múmkindigi degim keledi», - dedi Sanitarlyq-epidemiologiialyq qadaǵalaý komitetiniń resmi ókili.
