Eki apta boiy epidemiologiialyq jaǵdai jaqsarǵan óńirlerde karantin sharasyn jeńildetý máselesi qaralady. Bul jaily QR DSM Sanitariialyq-epidemiologiialyq baqylaý komitetiniń juqpaly aýrýlardy epidemiologiialyq qadaǵalaý basqarmasynyń basshysy Roza Qojapova aitty, dep habarlaidy QazAqparat.
«Búgingi kúni respýblika «jasyl» nemese táýekeli tómen aimaqta tur. Táýekeli joǵary nemese «qyzyl» aimaqta tek Nur-Sultan qalasy bar. «Sary» aimaqta jeti óńir – Almaty qalasy, Pavlodar, Qostanai, Shyǵys Qazaqstan, Soltústik Qazaqstan, Aqmola jáne Atyraý oblystary bar. Qalǵan óńirler «jasyl» aimaqta. Eki apta boiy epidemiologiialyq jaǵdai jaqsarǵan óńirlerde karantin sharasyn jeńildetý máselesi qaralady», - dedi Roza Qojapova Ortalyq kommýnikatsiialar qyzmetinde ótken baspasóz máslihatynda.
Basqarma basshysynyń aitýynsha Nur-Sultan qalasynda ótken eki apta ishinde koronavirýs juqtyrý jaǵdaiy 1,3 ese, Jambyl oblysynda 1,7 ese, Atyraý oblysynda 2,4 ese, Almaty oblysynda 1,5 ese óskeni baiqalǵan.
«Epidemiologiialyq ahýaldy eskere otyryp, táýekeli joǵary óńirlerde kúsheitilgen sharalar saqtalýda. Sonymen qatar barlyq óńirde ujymdyq merekelerdi ótkizýge tyiym salyndy», - dedi ol.
