Eýropalyq odaq Ortalyq Aziianyń senimdi seriktesi bolyp sanalady. Búgin Bishkekte «Eýropalyq odaq – Ortalyq Aziia» ekonomikalyq forýmynda EO-nyń Ortalyq Aziia boiynsha arnaýly ókili Teri Hakala osylai aitty, dep habarlaidy QazAqparat tilshisi.
«Pandemiia áli kúnge deiin tiisti deńgeide shekteý is-sharalaryn oryndaýǵa májbúrlep otyr. Sondyqtan biz osynda shekteýli formatta jinalyp otyrmyz. Osy oraida onlain platforma arqyly forýmǵa qosylý múmkindigin jasaldy. Eýropalyq odaq Ortalyq Aziianyń senimdi seriktesi bolyp sanalatynyn atap ótkim keledi. Biz osy múmkindikti tiisti deńgeide paidalanǵymyz keledi», - dedi Teri Hakala.
Sonymen qatar ol Táýilsizdiginiń 30 jyldyǵyn atap ótip jatqan elderge óz quttyqtaýyn jetkizdi.
«Sizderdiń reformalaryńyz jolynda Eýropalyq odaq únemi birge boldy. Biz «jasyl» ekonomikany damytýǵa, básekege qabilettilikti kóterý, sondai-aq Ortalyq Aziia ekonomikasyn pandemiiaǵa deiingi kezeńge qalpyna keltirýde qoldaý jasaýǵa múddelimiz. Osy oraida túrli múmkindikterge qol jetkizý men tiisti maqsattarǵa jetý úshin jol ashylady», - dedi EO-nyń Ortalyq Aziia boiynsha arnaýly ókili.
Bul turǵyda ol tsifrlandyrý jáne iskerlik ortany jaqsartýǵa ekpin qoiylyp otyrǵanyn atap ótti. Osy baǵyttarda birlese atqaratyn qadamdardy pysyqtaý kerek. Sondyqtan egjei-tegjeili talqylaý aldaǵy jyldardaǵy jumystarǵa tyń serpin beredi.
Onyń paiymynsha, Eýropalyq odaq iri jeke investitsiialar kózi retinde Ortalyq Aziiada birlese jumys isteýde joǵary áleýetke ie.
