EO men London Ulybritaniianyń Eýroodaqtan shyǵýy týraly kelisimdi maquldady, dep habarlaidy "Ult aqparat".
«Bul EO men Ulybritaniia úshin ádil ári salmaqty sheshim boldy. Sondai-aq, ol - bizdiń máseleniń sheshimin izdep jatqandyǵymyzdyń dáleli», - dep jazdy Twitter-de Eýrokomissiianyń tóraǵasy Jan-Klod Iýnker.
Ol 17-18 qazanda ótip jatqan EO sammitinde Eýroodaqqa múshe elderdiń kóshbasshylaryna kelisimdi maquldaýǵa keńes beredi.
Sondai-aq, Ulybritaniianyń premer-ministri Boris Djonson Twitter- de Eýroodaqtan shyǵý boiynsha kelisimge qol jetkizgenin jazdy.
«Biz baqylaýdy qaita qolǵa alýǵa múmkindik beretin jańa keremet kelisim jasastyq. Endi basqa da basym máselelerge kóńil aýdara alýymyz úshin parlament Brexit-ti senbi kúni aiaqtaýy kerek», - dep jazdy ol.
