Shildeniń basynda «úshinshi álem elderiniń» azamattaryna EO elderine barýǵa qoiylǵan shekteý jartylai alynýy múmkin. Bul týraly Eýropalyq diplomatiia basshysy Jozep Borrel baspasóz konferentsiiasy kezinde málimdedi, dep habarlaidy "Ult aqparat".
«Eýropalyq komissiia osy aptada Eýroodaq elderine «birqatar qaǵidattar men kriteriilerdi» eskere otyryp, úshinshi elderdiń azamattaryna EO-ǵa kelýine qoiylǵan keibir shekteýlerdi birtindep jáne ishinara alyp tastaýdy usynady»,- dep habarlady Borrel.
EO elderiniń kópshiligi ótken jumada koronavirýs pandemiiasyna bailanysty syrtqy shekara bloktaryndaǵy shekteýlerdi kem degende 1 shildege deiin uzartýdy usyndy.
EO men Shengen aimaǵyna keibir saparlarǵa naýryz aiynyń ortasynan bastap tyiym salynǵan. Jeke sanattarǵa, sonyń ishinde EO azamattary men olardyń otbasy múshelerine, uzaq merzim turýǵa quqyǵy bar tulǵalarǵa, otbasy jaǵdaiyna bailanysty saiahattaityn adamdarǵa, diplomattarǵa, koronavirýske qarsy kúresýge kómektesetin meditsina qyzmetkerlerine jáne ǵalymdardyń jaǵdaiy eskeriledi.
