Energiia óndirýshi uiymdardyń otynǵa kreditorlyq bereshegi kóp. Bul týraly Úkimet otyrysynda QR Energetika ministri Maǵzum Myrzaǵaliev aitty, dep habarlaidy QazAqparat.
«Elektr stansalarynda otyn jinaqtaý jalǵasyp jatyr. Qoimalarynda 3,5 mln tonna kómir jáne 90 myń tonna mazýt jinaqtalǵan. Bul jalpy bekitilgen normalarǵa sáikes keledi. Óńirlerge jetkiziletin «áleýmettik mazýtqa» qatysty aitatyn bolsaq, 2021 jyldyń tamyzynda Energetika ministrligi kúzgi-qysqy kezeńde áleýmettik-óndiristik nysandar men mekemelerge mazýt jetkizý kestesin bekitti. Soǵan sáikes mazýttyń kólemi 195,5 myń tonna boldy», - dedi ministr.
Onyń aitýynsha, energiia óndirýshi uiymdardyń otyn úshin aýqymdy kreditorlyq bereshegi mańyzdy másele bolyp otyr.
«Osy jyldyń 10 qyrkúiegine «QazTransGaz-Aimaq» mekemesi aldyndaǵy bereshek 757 mln teńgeni quraidy. Sondai-aq energiia óndirýshi uiymdardyń «Bogatyr-Kómir» kásiporny aldynda jalpy somasy 2, 629 mlrd teńge bereshegi bar», - dedi Maǵzum Myrzaǵaliev.
