«QazTransGaz Aimaq» kompaniiasyna energiia óndiretin kásiporyndar 6,6 mlrd teńge qaryz. Bul týraly búgin Úkimet úiinde ótken baspasóz máslihatynda QR Energetika vitse-ministri Suńǵat Esimhanov aitty, dep habarlaidy QazAqparat.
«Energiia óndiretin kásiporyndardyń «QazTransGaz Aimaq» kompaniiasy aldyndaǵy boryshy problema bolyp otyr. Jyl saiyn 5-7 mlrd teńge borysh bolyp qalady. «MAEK-Qazatomónerkásip» JShS, «Jaiyqjylýenergo» syndy kásiporyndardyń qaryzdary bar. Biraq, tiisti keste jasalǵan, ákimshilikte baqylaýda ustap otyr. Degenmen, bul kásiporyndardyń aldynda jylýdy satyp alatyn tutynýshylardyń da qaryzy bar. Osyǵan qaramastan bul mekemeler gazben qamtamasyz etilgen. Problema bolmaidy», - dedi vitse-ministr.
Energetika ministrligi usynǵan derekke sáikes, «MAEK-Qazatomónerkásip» JShS, «Jaiyqjylýenergo» AQ, «Ózen jylý» MKK, «Aqtóbe JES», «Almatyjylýkommýnenergo» JShS, «Qyzylordajylýelektrortalyǵy» MKK syndy mekemelerdiń «QazTransGaz Aimaq» kompaniiasy aldyndaǵy jalpy boryshy búgingi kúni 6,6 mlrd teńgeni qurap otyr.
Kómir boiynsha da 3-4 mekemeniń qaryzy bar. Biraq milliardtaǵan ainalymy bar mekemelerge 30-40, 60 mln teńge borysh úlken qarajat emes. Ol jabylady, kesteleri bar. Biraq, biz de ony aitýǵa mindettimiz. Ákimdiktermen birlesip, bul baǵytta jumys jasap jatyrmyz. Óitkeni «Bogatyr kómir» JShS kómirdi óndirý, jumysshylarǵa jalaqy berý úshin qarajat kerek. Munan bólek jóndeý jumystary bar», - dedi Suńǵat Esimhanov.
