«قازترانسگاز ايماق» كومپانيياسىنا ەنەرگييا ٶندٸرەتٸن كەسٸپورىندار 6,6 ملرد تەڭگە قارىز. بۇل تۋرالى بٷگٸن ٷكٸمەت ٷيٸندە ٶتكەن باسپاسٶز مەسليحاتىندا قر ەنەرگەتيكا ۆيتسە-مينيسترٸ سۇڭعات ەسٸمحانوۆ ايتتى, دەپ حابارلايدى قازاقپارات.
«ەنەرگييا ٶندٸرەتٸن كەسٸپورىنداردىڭ «قازترانسگاز ايماق» كومپانيياسى الدىنداعى بورىشى پروبلەما بولىپ وتىر. جىل سايىن 5-7 ملرد تەڭگە بورىش بولىپ قالادى. «ماەك-قازاتومٶنەركەسٸپ» جشس, «جايىقجىلۋەنەرگو» سىندى كەسٸپورىنداردىڭ قارىزدارى بار. بٸراق, تيٸستٸ كەستە جاسالعان, ەكٸمشٸلٸكتە باقىلاۋدا ۇستاپ وتىر. دەگەنمەن, بۇل كەسٸپورىنداردىڭ الدىندا جىلۋدى ساتىپ الاتىن تۇتىنۋشىلاردىڭ دا قارىزى بار. وسىعان قاراماستان بۇل مەكەمەلەر گازبەن قامتاماسىز ەتٸلگەن. پروبلەما بولمايدى», - دەدٸ ۆيتسە-مينيستر.
ەنەرگەتيكا مينيسترلٸگٸ ۇسىنعان دەرەككە سەيكەس, «ماەك-قازاتومٶنەركەسٸپ» جشس, «جايىقجىلۋەنەرگو» اق, «ٶزەن جىلۋ» مكك, «اقتٶبە جەس», «الماتىجىلۋكوممۋنەنەرگو» جشس, «قىزىلورداجىلۋەلەكترورتالىعى» مكك سىندى مەكەمەلەردٸڭ «قازترانسگاز ايماق» كومپانيياسى الدىنداعى جالپى بورىشى بٷگٸنگٸ كٷنٸ 6,6 ملرد تەڭگەنٸ قۇراپ وتىر.
كٶمٸر بويىنشا دا 3-4 مەكەمەنٸڭ قارىزى بار. بٸراق ميللياردتاعان اينالىمى بار مەكەمەلەرگە 30-40, 60 ملن تەڭگە بورىش ٷلكەن قاراجات ەمەس. ول جابىلادى, كەستەلەرٸ بار. بٸراق, بٸز دە ونى ايتۋعا مٸندەتتٸمٸز. ەكٸمدٸكتەرمەن بٸرلەسٸپ, بۇل باعىتتا جۇمىس جاساپ جاتىرمىز. ٶيتكەنٸ «بوگاتىر كٶمٸر» جشس كٶمٸردٸ ٶندٸرۋ, جۇمىسشىلارعا جالاقى بەرۋ ٷشٸن قاراجات كەرەك. مۇنان بٶلەك جٶندەۋ جۇمىستارى بار», - دەدٸ سۇڭعات ەسٸمحانوۆ.
