Sybailas jemqorlyqqa qarsy is-qimyl ulttyq biýrosymen Qazaqstan Respýblikasynyń energetika ministrliginiń laýazymdy tulǵalarynyń qylmystyq is-áreketiniń joly kesildi. Bul týraly Jemqorlyqqa qarsy áreket etý agenttiginiń resmi ókili Nurlan Jahin habarlady.
Energetika vitse-ministri Ǵani Sádibekov «Aimaq» JShS merdiger uiymynyń basshysymen qylmystyq kelisimde Shýchinsk-Býrabai kýrorttyq aimaǵyndaǵy kóldi tazartýǵa bólingen asa iri kólemdegi biýdjettik qarajatty jymqyrǵan.
Sonymen qatar, qylmys jasaýǵa Energetika ministrliginiń departament basshysy J.Nurbekov jáne merdigerlerdiń ókilderi S.Jumalinov jáne B. Qadyrberlin qatysqan.
Ǵani Sádibekovpen qol qoiylǵan jalǵan aktiler boiynsha Energetika ministrligimen 2017 jyly kólemi asa arttyrylǵan atqarylǵan jumystarǵa jalpy somasy 3,6 mlrd teńge tólengen. Atalǵan qarajattyń 1 mlrd teńgesi qolma-qol alynǵan jáne jymqyrylǵan. Ol qarajat tintý barysynda tabylyp, alynǵan.
Baq.kz saitynda jariialanǵan avtorlyq materialdardyń barlyq quqyqtary qorǵalǵan jáne aqparat agenttiginiń menshigi bolyp tabylady. Kóshirip basý redaktsiianyń ruqsatymen júzege asady. Materialdy kóshirip basý kezinde Baq.kz saityna tóte silteme kórsetý talap etiledi.
Budan bólek, 2018 jylǵa kóldi tazartýǵa bólingen 1,5 mlrd aqsha qarajatynyń jymqyrylýy toqtatyldy.
Sádibekov, Nurbekov, Dýanbek, Jumalinov jáne Qadyrberlin ustaldy. Sotqa deiingi tergeý júrgizilýde.
