Foto: primeminister.kz
Energetika ministrligi ókilderi vitse-ministr Jandos Nurmaǵanbetov "vedomstvo basshylyǵymen aradaǵy janjalǵa bailanysty jumystan shyǵyp jatyr" degen qaýesetke qatysty pikir bildirdi, - dep habarlaidy "Ult apqarat" vedomstvonyń baspasóz qyzmetine silteme jasap.
Nurmaǵambetov elektr energetikasy, JEO, JEK salalaryna jetekshilik etkeni belgili.
"Energetika vitse-ministri Jandos Nurmaǵanbetov 16 qarashadan 15 jeltoqsanǵa deiin eńbek demalysynda, keiin basqa jumysqa aýysýyna bailanysty jumystan bosatylady. Jelide taralǵan vitse-ministr men vedomstvo basshylyǵy arasyndaǵy janjal týraly aqparat shyndyqqa janaspaidy", - delingen vedomstvo habarlamasynda.
Aita keteiik, Nurmaǵanbetov bul laýazymǵa 2021 jyldyń 13 jeltoqsanynda taǵaiyndalǵan edi.
Ol 1981 jyly Jambyl oblysynda dúniege kelgen.
E. Bóketov atyndaǵy Qaraǵandy memlekettik ýniversitetin, Halyqaralyq biznes ýniversitetin, Qorqyt ata atyndaǵy Qyzylorda memlekettik ýniversitetin, "KIMEP Ýniversiteti" AQ bitirgen.
Eńbek joly:
• 2003-2005 jyldary – "Karýglesbyt" jaýapkershiligi shekteýli seriktestigi direktorynyń orynbasary, direktory;
• 2005-2006 jyldary – "Qaraǵandy aimaqtyq energetika kompaniiasy" jaýapkershiligi shekteýli seriktestiginiń direktory;
• 2008-2010 jyldary – "Qyzylorda elektr taratý toraptary kompaniiasy" aktsionerlik qoǵamynyń bas direktory;
• 2011-2013 jyldary – "Qyzylorda" áleýmettik-kásipkerlik korporatsiiasy" aktsionerlik qoǵamynyń basqarma tóraǵasy;
• 2013-2020 jyldary – "Jańartylatyn energiia kózderin qoldaý jónindegi qarjy esep aiyrysý ortalyǵy" jaýapkershiligi shekteýli seriktestiginiń bas direktory;
• 20.01.2020-12.12.2021 jyldary – "KEGOC" aktsionerlik qoǵamynyń strategiia jáne damý jónindegi basqarýshy direktory.
