Ekologiia, geologiia jáne tabiǵi resýrstar ministri Serikqali Brekeshev energetika salasyna qosymsha investitsiia tartýdyń qajettiligi týraly aityp berdi, dep habarlaidy Baribar.kz saity.
BAQ ókilderi energetikalyq keshen jobalaryna budan buryn salynǵan qarajat qanshalyqty tiimdi bolǵanyn surady.
Negizgi energetikalyq qorlardyń joǵary tozýyn eskere otyryp, energetikalyq sektordy 2060 jylǵa deiin jańǵyrtý shamamen 305 milliard AQSh dollary investitsiia kólemin tartýdy talap etedi. Qosymsha investitsiialardy tartý kómir stansalaryn jańǵyrtý, bý gaz qondyrǵylaryna kóshý jáne jasyl sýtegin damytý úshin qajet. Kómirtekti ustaý jáne saqtaý tehnologiialaryn engizý úshin 37,5 milliard AQSh dollary kóleminde investitsiialar qajet bolady, − dedi Serikqali Brekeshev Ortalyq kommýnikatsiialar qyzmeti alańynda.
Energetika birinshi vitse-ministri Murat Júrebekov te jaýapty tolyqtyra ketti.
Qazirgi tańda bizdiń bar qýatymyz – 23 myń megavatt (MVt). Onyń 53%-i tozǵan. 2009 jyldan bastap qazirgi tańǵa deiin shamamen 4,5 myń MVt qýatyna modernizatsiia jasadyq. Endi qalǵan 40%-ine investitsiia tartyp, qaita jańǵyrtý jumystaryn júrgizýimiz kerek, – dep aitty ol.
