2021-2025 jyldary munai-gaz-himiia jobalaryn iske asyrýǵa 3,9 trln teńge investitsiia tartylady, dep habarlaidy "Ult aqparat".
Bul týraly Energetika ministri Nurlan Noǵaev Májiliste ótken otyrysta aitty.
«Munai-gaz-himiia jobalarynyń úlken kapitaldy qajet etetindigin jáne olardyń ótelý merzimderiniń uzaqtyǵyn eskere otyryp, osy salaǵa investitsiialar tartý maqsatynda ministrlik «bir qujat» qaǵidaty boiynsha munai-gaz-himiia jobalary úshin investitsiialar týraly arnaiy kelisimniń zańnamalyq tetigin engizýdi pysyqtaýda. 2021-2025 jyldary munai-gaz-himiia jobalaryn iske asyrýǵa 3,9 trln teńge investitsiia tartylady», -dedi vedomstvo basshysy.
Sonymen qatar, ol «Ulttyq indýstriialyq munai-himiia tehnoparkinde» jylyna 500 myń tonna polipropilen óndiretin zaýyt salynyp jatqanyn eske saldy.
«Osy zaýyttyń bazasynda polipropilendi ári qarai óńdei otyryp, toqylǵan jáne ekstrýzialyq geosintetikalyq materialdar óndiretin zaýyttardy salý pysyqtalyp jatyr», - dedi Nurlan Noǵaev.
