QR Energetika vitse-ministri Áset Maǵaýov munai óndirýshi kompaniialardy munai baǵasynyń kúrt quldyraýynan qorǵaý úshin zańnamada qandai sharalar kózdelgeni týraly aityp berdi, dep habarlaidy "Ult aqparat".
Áset Maǵaýov Prezident bergen tapsyrmalardy iske asyrý aiasynda QR Premer-Ministriniń orynbasary Eraly Toǵjanov bastaǵan úkimet delegatsiiasy jumys saparymen elimizdiń munai óńirlerdi aralap, munai óndirýshi kompaniialardyń basshylarymen kezdesýler ótkizgenin habarlady. Óńirlerdiń munai óndirýshi jáne munai servistik kompaniia basshylarymen kezdesýler ótip, onda kóterilgen máseleler qazirgi ýaqytta Úkimetpen qarastyrylýda.
Áset Maǵaýovtyń aitýynsha munai baǵasynyń tómendeý saldaryn tómendetý maqsatynda munai óndirý kompaniialary úshin zańnama kelesi jaǵdailardy kózdeidi.
«Rentalyq salyqty munai baǵasyna bailanystyrý. Rentalyq salyq munai baǵasyna bekitilgen. Iaǵni, 1 barrel úshin baǵa 60 AQSh dollary bolǵan jaǵdaida stavka eksport qunynan 11 paiyz bolsa, onda 40 AQSh dollarynan kem baǵa jaǵdaiynda stavka 0 paiyzdy quraidy. Ekinshiden eksporttyq kedendik baj salyǵyn munai baǵasyna bailanystyrý. Eksporttyq kedendik baj salyǵy da munai baǵasyna bekitilgen. 1 barrel úshin baǵa 60 AQSh dollary kezinde ol 1 tonnaǵa 60 AQSh dollaryn quraidy. Al 1 barrel úshin baǵa 40 AQSh dollary bolǵan jaǵdaida ol 1 tonnaǵa 40 AQSh dollaryn quraidy. 1 barrel úshin baǵa 35 AQSh dollary bolǵan jaǵdaida ol 1 tonnaǵa 35 AQSh dollarǵa teńesedi», - dedi ol.
Vitse-ministr sonymen qatar baǵanyń kúrt tómendeýine bailanysty munai naryǵyndaǵy jaǵdaidy turaqty dep aitýǵa bolmaitynyn jetkizdi.
«Áitse de munai óndirýshi kompaniialarǵa qoldaý kórsetý úshin bizde barlyq qural bar. Biz qazirgi jaǵdaiǵa turaqty monitoring júrgizemiz. Óndirý kólemi qysqartylǵan joq jáne olar burynǵy rejimde júrgizilýde», - dedi ol.
