QR Energetika ministrligi aviaotynmen qamtamasyz etý jumystary jóninde málimdeme jasady, dep habarlaidy QazAqparat.
«Nur-Sultan qalasynyń áýejaiyn aviaotynmen qamtamasyz etý boiynsha qazirgi jaǵdaiǵa qatysty Energetika ministrligi qyrkúiek aiynyń basynda áýejailar men aviakompaniialardy Pavlodar munaihimiia zaýytynda josparlanǵan jóndeý jumystary týraly habardar. Elordadaǵy áýejaida týyndaǵan máseleni sheshý maqsatynda mynadai sharalar qabyldandy:
«Qazan aiynda Munai óńdeý zaýyttarynda qosymsha 2000 tonna aviaotyn shyǵarylady, onyń ishinde Nur-Sultan qalasynyń áýejaiyna qosymsha kólem bólinetin bolady;
- Iri jetkizýshiler qarashaǵa arnalǵan kólemder boiynsha jedel kelisimsharttar jasasady jáne munai óńdeý zaýyttarynan jóneltýdi jedeldetedi;
- Sondai-aq, iri jetkizýshilerdiń biri Nur-Sultan áýejaiyna qosymsha 700 tonna aviaotyn jetkizedi.
Osy oraida, áýejailar tarapy qajet otyn kólemin tek qana iri emes, sonymen qatar shaǵyn jetkizýshilerden kommertsiialyq baǵamen satyp alýy qajet», - dep habarlady QR Energetika ministrliginiń baspasóz qyzmeti.
Buǵan deiin Nursultan Nazarbaev halyqaralyq áýejaiy aviajanarmai tapshylyǵynan áýejaidyń úzdiksiz jumysy toqtaýy múmkin dep dabyl qaqqan bolatyn.
