QR Energetika ministrligi Munai tasymaldaý jáne óńdeý departamentiniń direktory Baýyrjan Sálimgereev oraq naýqanynda sharýalardy dizel otynymen qamtamasyz etý úshin Pavlodar munai-himiia zaýytyndaǵy jóndeý jumystary shegerilgenin málim etti, dep habarlaidy QazAqparat.
«Aýyl sharýashylyǵy taýaryn óndirýshilerdi dizel otynymen qamtamasyz etý kezinde olqylyqtar bolmaýy úshin Pavlodar munai-himiia zaýytynda josparly jóndeý jumystarynyń ýaqyty shegerildi. Bastapqyda jóndeý jumystaryn 24 shildede bastalyp, 24 kún boiy jalǵasady dep josparlanǵan bolatyn. Endi jóndeý aǵymdaǵy 1 qazanda bastalady. Biraq josparly jóndeý jumystaryn túbi bir júrgizbese bolmaidy. Óitkeni zaýyttyń odan ári qaýipsiz jumys isteýi jóndeý jumystaryna táýeldi», - dedi Baýyrjan Sálimgereev.
Aita keteiik, biyl kúzgi egis jumystaryna dep diqandarǵa 440 myń tonna dizel otyny bólinip otyr.
«Oraq jumystaryn júrgizý jáne jem daiyndaý úshin aýyl sharýashylyǵy taýaryn óndirýshilerdiń atyna 440 myń tonna dizel otyny bólindi. Resýrs ustaýshylardyń bosatý baǵasy «Pavlodar munai-himiia zaýytynda» JShS men «PKOP» JShS-da dizeldiń tonnasyn 189 myń teńgeden nemese litrin 159 teńgeden, al» Atyraý munai óńdeý zaýyty» JShS-da tonnasyn 187 myń teńgedene nemese litrin qosymsha qun salyǵyn qosqanda 159 teńgeden alýǵa bolady. Jetkizý men saqtaý shyǵyndaryneskere otyryp, dizel otynynyń baǵasy óńirge bailanysty shamamen litrine 175-180 teńge bolady. Bul janarmai quiý stansalaryndaǵy baǵadan arzan», - dedi Baýyrjan Sálimgereev.
