Qazaqstan Respýblikasynyń Energetika ministriniń shtattan tys keńesshisi Oljas Baidildinovtiń ieliginde qandai dúnie-múlik baryn Telegram-daǵy Chinovnik_kz kanaly jariialady, dep habarlaidy Aikyn.kz.
37 jastaǵy munai-gaz salasynyń sarapshysynda Qosshy jaqta 288 sharshy metrli eki qabatty úii bar. 2020 jyly turǵyzylǵan úi 85 mln teńgege baǵalanýda.
El astanasy Nur-Sultanda úsh páteri bar. Biri – Highwill Astana turǵyn úi kesheninde ornalasqan. Biznes-klastaǵy 3 bólmeli páteriniń aýmaǵy 100 sharshy metr. Quny – 60 million teńge. Al «Altyn-Arna» turǵyn úi keshenindegi 2 bólmeli páteri 40 mln teńge. Onyń aýmaǵy – 75 sharshy metr. «Frantsýz kvartaly» turǵyn úi kesheninde 1 bólmeli páterdiń ózi 27 mln teńge turady.
Sonymen qatar Oljas Baidildinovtiń ieliginde kommertsiialyq maqsatta paidalanatyn aýmaǵy júz sharshy metrlik ǵimaraty bar. Onyń ózi 20 mln teńgege baǵalanǵan. 2021 jylǵy eki kóligi 33 million teńge turady eken.
Esterińizge salsaq, sarapshy gaz baǵasy odan ári kóterilýin jáne mundai qubylys álemde baiqalatynyn aitqan.
– Jer qoinaýyn paidalanýshylar energiia tasymaldaýshylardy únemi sýbsidiialai almaidy. 2021 jyldyń úshinshi toqsanyndaǵy aqparatqa súiensek, Jańaózendegi ortasha jalaqy 505 myń teńge. Bul jalpy eldegi ortasha jalaqydan eki ese kóp. Soǵan qaramastan turǵyndar suiytylǵan gaz baǵasyn eki ese tómendetýdi talap etip otyr. Jańaózen – Qazaqstannyń bir bóligi. Al Qazaqstan aimaqtyq jáne jahandyq ekonomikanyń bir bólshegi. Sondyqtan biz naryqtyq jaǵdaidy bile otyryp, mundai jeńildik jasai almaimyz, – degen bolatyn Energetika ministriniń shtattan tys keńesshisi Oljas Baidildinov.
