Qazaqstanda benzin baǵasynyń arzandaýy naryqtyq jaǵdaiǵa bailanysty bolyp tur. Bul týraly Parlament Májilisindegi Úkimet saǵatynyn keiin tilshilerge Energetika ministri Qanat Bozymbaev málim etti, dep habarlaidy QazAqparat tilshisi.
«Búginde Qazaqstanda joǵary oktandy benzin boiynsha, iaǵni AI-92 jáne AI-95 benzinine qatysty profitsit jalǵasyp keledi. Osy oraida bul jaǵdai naryqqa áser etýde, benzin boiynsha usynys kóp. Al tutyný kólemi qarqyndy ósip jatqan joq», - dep toqtaldy ministr.
Onyń sózine qaraǵanda, osy jaǵdai munaishylar úshin tiimsiz bolyp tur.
«Sebebi olar úshin ishki naryqqa munai jetkizýdiń tiimdiligi tómendeýde. Eksportpen salystyrǵanda aiyrmashylyq aitarlyqtai joǵary. Al tutynýshylar úshin bul jaǵdai tiimdi ekenin belgili. Alaida naryq buǵan tiisti baǵytta áser etedi», - dedi Qanat Bozymbaev.
Sonymen qatar ol kórshiles Resei men Qazaqstannyń naryǵyndaǵy ahýal ártúrli ekenin jetkizdi. Ázirge Qazaqstanda benzin arzandasa, Reseide baǵa ósip keledi.
«Búginde ishki naryqta munai ónimderine baǵa naryqtyq negizde qalyptasady, iaǵni Argus kotirovkasy negizinde. Bul óz kezeginde naqty naryqtyq baǵa belgileý bolyp sanalady», - dedi ministr.
Bozymbaev elektr energiiasyn úiinde jáne jumysynda qalai únemdeitini týraly aityp berdi.
«Árine, elektr jaryǵy men jylýdy únemdeimin. Jylý berý júiesinde arnaiy qurylǵy ornatylǵan. Eger de jylý batareiasy belgili bir temperatýraǵa jetse, bul qurylǵy jylý men sýdy toqtatady. Bul óz kezeginde kommýnaldyq shyǵyndar boiynsha únemdeýge jol ashady. Al elektr energiiasyna toqtalsaq, uiqyǵa jatar aldynda balalar úidegi elektr jaryǵyn mindetti túrde óshirýge úiretilgen. Osy oraida energiia tiimdiligi mádenietine ekpin qoiyp otyrmyz», - dedi Bozymbaev.
Sonymen qatar ol «QazMunaiGaz» ǵimaratynda energiia qalai únemdelip jatqandyǵyn aityp berdi.
«Energetika ministrliginde de únemdeý júrip jatyr. Bizde shyǵystar boiynsha eń az kórsetkishterdiń biri tirkelgen. Búginde vedomstvo «QazMunaiGaz» ǵimaratynda ornalasqan. Saǵat 18:30-dan keiin bizdiń qyzmetkerlerdiń kompiýterleri avtomatty túrde óshiriledi. Bul rette adamdardy jumysta negizsiz ustamaimyz. Sebebi basshylar belgilengen jumys ýaqytynda maqsattar oryndalýy úshin protsesti tiimdi túrde uiymdastyrýy kerek. Eger de úlgermese, buǵan basshy kináli, óitkeni jumys protsesin durys uiymdastyrmaǵan», - dedi vedomstvo basshysy.
Budan bólek, Q. Bozymbaev shaǵyn kólemdi jańartylatyn energiia kózderin qoldaý boiynsha zań jobasy ázirlenip jatqandyǵyn atap ótti. Bul sharalar halyqqa «jasyl» energetika qurylǵylaryn tiimdi paidalanýǵa múmkindik beredi.
