Qazaqstanda atom energetikasyn damytý áleýeti jetkilikti. QR Energetika ministri Bolat Aqsholaqov ortalyq kommýnikatsiialar qyzmetinde ótken brifingide osyndai pikir bildirdi, dep habarlaidy QazAqparat.
«Biz óndiriletin tabiǵi ýran kólemi boiynsha álemde birinshi oryndamyz. Bizde iadrolyq otyn komponentteri óndiriledi, sondai-aq bizdiń elde ýrandy izotopty baiytý boiynsha qyzmetter qoljetimdi.
Byltyr Úlbi metallýrgiia zaýytynyń bazasynda Qytaidyń atom elektr stantsiialary úshin daiyn iadrolyq otyn shyǵaratyn zaýyt ashyldy. Iadrolyq otyn belsendi shyǵaryla bastady», - degen vedomstvo basshysy bul salada Qazaqstannyń kadrlyq saiasaty qalyptasqanyn atady.
«Atom ónerkásibi men ǵylym salasynda bizde 24 000-ǵa jýyq adam eńbek etedi. Qazaqstannyń joǵary oqý oryndarynda 2010 jyldan bastap iadrolyq jáne tehnikalyq fizika baǵyttary boiynsha 3 200 kadr daiarlandy. Qazaqstannyń Ulttyq iadrolyq ortalyǵy men Iadrolyq fizika institýtynda 3 iadrolyq zertteý reaktory jumys isteidi. Paidalanýǵa berilgen sátten bastap osy reaktorlardy bizdiń mamandar tabysty paidalanyp keledi. Al ǵylymi jumystardyń nátijelerin álemdik qoǵamdastyq, sonyń ishinde AES jobalaý kezinde qoldanady.
Sonymen qatar, Qazaqstan 1973 jyldan 1999 jylǵa deiingi kezeńde BN-350 tolyqqandy ónerkásiptik iadrolyq reaktoryn paidalanǵanyn jáne ony paidalaný kezeńinde avariiasyz jumys qamtamasyz etilgenin eske salǵym keledi. Bul – Qazaqstannyń quzyreti men áleýetiniń dálel» - dedi ministr.
Sondai-aq, ol ótken aptada Resei men Qazaqstan prezidentteriniń qatysýymen reseilik joǵary oqý oryndarynda osy salanyń kadrlaryn daiarlaý jónindegi memorandýmdarǵa qol qoiyldy.
«Elektr energiiasynyń aldaǵy tapshylyǵyn, álemdik ekologiialyq kún tártibine bailanysty kómir generatsiiasyna táýeldilikti tómendetý qajettiligin, óndiristik qýattardyń tozýyn, sondai-aq Qazaqstannyń atom energetikasyn damytýdaǵy zor áleýetin eskere otyryp, elimizde AES salý neǵurlym perspektivti sheshim bolyp kórinedi», - dedi Bolat Aqsholaqov.
