Búginnen bastap negizgi messendjerler iOS jáne Androidta «Nimodji Qazaqstan» qosymshasy arqyly qazaqi ulttyq beinelerdi (emodji) almasýǵa bolady.
«Nimodji Qazaqstan» qosymshasy Qazaqstannyń barlyq óńirlerinde, Apple App Store jəne Google Play Market qosymshalarynyń onlain-dúkenderinde qoljetimdi.
2016 jyly 19 qyrkúiekten bastap iPhone qoldanýshylary Aibala atty ekskliýzivti qazaqi ulttyq emodj-stikerlerin jańartylǵan iMessage iOS qosymshalarynda qoldana bastaǵan edi. Sol kezde Nimoji Software Limited taiaýda barlyq uialy telefondarda iOS pen Android úshin tegin qosymsha bolatynyn, barlyq qoldanýshylar ulttyq emodjilermen almasa alatynyn aitqan. Mine, sol kún de týdy.
Búgingi kúnnen bastap Apple AppStore nemese Google PlayMarket júilerinde Nimodji Qazaqstan qosymshasyn júkteý arqyly qoldanýshylar qazaqi ulttyq emodji-stikerlerin WhatsApp, Facebook Messenger, Viber, iMessage, Telegram jáne t.b messendjerlerinde qoldana alady.
Ulttyq Emodjder-Nimodji ideiasy Qazaqstanda týǵan. Sol sebepti de Qazaqstan bul jobanyń bastapqy alańyna ainalyp, qosymsha keiipkerleri qazaq tarihy men salt-dəstúrlerine negizdelip daiyndaldy. Qosymshadaǵy jigittiń aty – Aibala, onyń Aqsáýle degen qurbysy bar. Ekeýi de kóńildi, əzilqoi, kúsh-qýat pen optimizmge toly. Olardyń boiynda adamǵa tən qylyqtardyń bəri bar, keiipkerler obrazynyń erekshe bolýy da sondyqtan.
Emodji-stiker arqyly Nimodji Qazaqstan qosymshasyn qoldanýshy túrli emotsiialardy suhbattasyp otyrǵan adamǵa jeńil jetkize alady. Ázirge jalpy 120 kóńil-kúi jáne jeke ómirlik jaǵdailar qoljetimdi. Aldaǵy ýaqytta stikerler sany artady.
Qosymshany ózine júktep alǵan adam negizgi bazalyq obrazdar Aibala men Aqsáýleniń emotsiialaryn qoldana alady. Sonymen qatar ártúrli taqyryptarǵa bailanysty aqyly kitaphanalar da bar.
Qosymshany qoldaný óte jeńil. Beineni mətinge nemese dialog hatyna qoiý úshin qoldanýshyǵa messendjerden shyǵýdyń qajeti joq. Tek virtýaldy klaviatýrany jáne qajet emodji-stikerdi tańdap qoisa bolǵany jáne messendjerde beine qoiylady. Standartty emodjiler eshqandai ózgerissiz qoldanýshyǵa burynǵydai qoljetimdi. Árbir hat alýshy emodj-stikerlerdi ala alady, tipti ol qoldanýshyda Nimodji Qazaqstan qosymshasy ornatylmaǵan bolsa da.
Nimodji jobasyn Resei, Ýkraina, Latviia, Grýziia, Izrail, Qytaida damytý josparlanyp otyr.
