Almaty ákimi Baqytjan Saǵyntaevpen kezdesý barysynda múmkindigi shekteýli azamat ákimniń qabyldaýyna kire almai júrgenin aityp shaǵymdandy, dep habarlaidy QazAqparat.
«Ylǵi osyndai kezdesýlerde adamdar kire almai jatqanyn aityp jii shaǵymdanady. Shynymdai aitsam, kezek qalai jyljitynyn bilmeidi ekenmin. Bul meniń kóńilimdi alańdatady. Biraq men bárin qabyldap tyńdaýǵa ázirmin. Osy oraida Tsifrlandyrý basqarmasyna tapsyrma berdim. Endi meniń qabyldaýyma kezek elektrondy júiemen júretin bolady. Adamdar HQKO, bankterdegidei kezegin elektrondy platforma arqyly, internet arqyly baqylap otyrady», - dedi ákim.
Qala basshysy ákimdik apparatyna múmkindigi shekteýli azamatty jeke qabyldaýǵa jazýyn tapsyrdy.
Sonymen qatar, onyń aitýynsha, halyqtyń saýaldary ońtaily sheshimin tabý úshin I-azamat platformasy qurylady.
Turǵyndardyń jeke aýlasyna qatysty irili-usaqty saýaldaryn tyńdap bolǵan soń ákim qalada arnaiy talqylaý platformasy kerektigin aitty.
«Turǵyndardyń irili-usaqty saýaldary ortaq mámilege kelý úshin talqylaýdy qajet etedi. Osy maqsatta qalada I-azamat platformasy qurylady. Keibir usaq saýaldardyń ózi eger júie ashyq bolmasa, aqparat qoljetimdi bolmasa úlken saýalǵa ainalady. Sol úshin osy platforma ashylady. Onda daýys berý júiesi, talqylaý júiesi bolady», - dedi ákim.
