Foto: Polisia.kz
Qazaqstandyqtar úshin suranysqa ie qyzmetterdiń biri "bedeldi" nómirlerdi satyp alý bolyp otyr. Ótken jyly avtokólik ieleri shamamen 6 mlrd teńgege VIP-nómirler satyp alǵan, - dep habarlaidy "Ult aqparat" Polisia.kz saityna silteme jasap.
Osyndai nómirlerdi satyp alýdy qoljetimdi etý úshin IIM olardy tańdaý jáne brondaý boiynsha tiisti servis ázirledi. Bul servis Tsifrlyq damý ministrliginiń "Smart Bridge" servister vitrinasynda ornalastyrylǵan.
Servis memlekettik qyzmetterdi kórsetýge arnalǵan barlyq integratsiialyq platformada, onyń ishinde ekinshi deńgeili bankterdiń mobildi qosymshalarynda da qoljetimdi. Sonymen qatar azamattarǵa yńǵaily bolý úshin aqparattandyrý salasyndaǵy ýákiletti organ osy qyzmetti eGov.kz elektrondyq úkimet portalyndaǵy jeke kabinetterge shyǵarý máselesin pysyqtap jatyr.
Byltyrǵy taldaýǵa sáikes, bul jyl saiyn 20 myńnan astam azamatqa mobildi qosymshalar arqyly, HQKO-ǵa barmai-aq, avtokólikterdi tirkeý kezinde onlain-rejimde "bedeldi" nómirlerdi tańdaýǵa jáne brondaýǵa múmkindik beredi. IIM memlekettik qyzmetterdi kórsetý sapasyn arttyrý jáne protsesterdiń ashyqtyǵyn qamtamasyz etý boiynsha jumysty jalǵastyryp jatyr.
