Qazaqstandaǵy oiynqumar azamattar tsifrlyq format arqyly qumar oiyndarǵa qatysýyn óz betinshe shektei alady.
Týrizm jáne sport ministrliginiń málimetinshe, 18 naýryzdan bastap Qazaqstan azamattary, sondai-aq el aýmaǵynda turaqty turatyn sheteldikter eGov mobile mobildik qosymshasy arqyly 6 aidan 12 aiǵa deiingi merzimge ózderin qumar oiyndarǵa jáne bás tigýge qatysýyn erikti túrde shekteý týraly ótinish bere alady.
"Qazaqstan azamattary, sondai-aq QR aýmaǵynda turaqty turatyn sheteldikter eGov mobile mobildik qosymshasy arqyly 6 aidan 12 aiǵa deiingi merzimge ózderin qumar oiyndarǵa jáne bás tigýge qatysýyn erikti túrde shekteý týraly ótinish bere alady. Bul rásim "Oiyn biznesi týraly" QR Zańynyń 15-1 babynda kózdelgen jáne avtomattandyrýǵa deiin tiisti tulǵalardy ózin-ózi shektegender tizimine qosý 8 jumys kúni ishinde qaǵaz formatta júzege asyryldy", – delingen habarlamada.
Sarapshylar jańa qyzmettiń ótinishterdi óńdeý merzimin qysqartyp, qumar oiyndarǵa qatysýdan ózin-ózi shekteý rásimin jeńildetetinin atap ótti. Bul barlyq azamatqa, eń aldymen qumar oiyndarmen shekten tys áýestenetin tulǵalarǵa litsenziialanǵan oiyn mekemeleri men býkmekerlik keńselerdiń zańdy saittaryna kirýge lezde tosqaýyl qoiýǵa múmkindik beredi.
"Qumar oiyndarǵa qatysýdy shekteý úshin azamat nemese rezident telefonyna eGov mobildi qosymshasyn júktep alý kerek. Sondai-aq onyń elektrondyq tsifrlyq qoltańbasy bolsa bolǵany", – dep málimdedi Týrizm jáne sport ministrligi.
Ótinish ETsQ men ótinimge qol qoiý arqyly onlain beriledi. Ótinish bergennen keiin servis ótinishti dereý tirkeidi jáne ótinish bergen tulǵa ótinishti qaitaryp alý quqyǵynsyz 6 aidan 1 jylǵa deiingi merzimge qumar oiyndarǵa jáne bás tigýge qatysýdan shektelgen adamdardyń tizimine engiziledi. Bul rette, qumar oiyndarǵa qatysýdy shekteý jáne bás tigý merzimi aiaqtalǵanǵa deiin shekteýdi uzartý týraly ótinish berýge bolady.
