Elimizdegi eń joǵary suranysqa ie mamandyqtardyń kósh basynda áli de esepshiler men qarjygerler tur, dep habarlaidy energyprom.kz.
2019 jyldyń jeltoqsan aiynda Qazaqstanda ekonomikalyq belsendi azamattardyń sany 9,19 milliondy qurady. Bul aldyńǵy jylmen salystyrǵanda 0,1 paiyzǵa tómen. Olardyń 8,75 milliony turaqty jumyspen qamtylǵandar, qalǵan 443,6 myńy – jumyssyz azamattar.
Ótken jyldyń úshinshi toqsanynyń qorytyndysy boiynsha, 6,67 mln adam jaldanyp jumys isteidi. Al, 2,1 mln adam – ózin ózi eńbekpen qamtyǵandar.
Eńbek naryǵyndaǵy suranysqa ie mamandyqtardyń tizimin HeadHunter zertteý ortalyǵy ázirlep shyqty. Ortalyqtyń málimetinshe, 2019 jyly bos jumys oryndar sany aldyńǵy jylmen salystyrǵanda 1,68 paiyzǵa artqan. Al, jumys izdeýshiler sany 2,3 million adamǵa jetken.
Suranysqa ie mamandyqtar kóshin saýda salasy bastap tur (18,2%). Odan keiin esepshi jáne mekeme qarjysyn basqarý (8,3%). Ákimshilik sala (7,2%), aqparattyq tehnologiialar, internet jáne telekom (6,5%), bank, investitsiia jáne lizing (6,5%).
Bos jumys oryndaryn usynatyn qalalar kóshin Almaty, Nur-Sultan jáne Qaraǵandy bastap tur.
