QR Eńbek jáne halyqty áleýmettik qorǵaý ministri Birjan Nurymbetov sheteldik jumys kúshin tartý rásimi men zańsyz kóshi-qonnyń jolyn kesýge qatysty zańa jobasyndaǵy usynystardy aitty, dep habarlaidy "Ult aqparat".
Búgin Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine kóshi-qon protsesterin retteý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Syrtqy eńbek kóshi-qon salasyna qatysty ózgeristerge toqtalsaq, birinshiden, sheteldik jumys kúshin tartý rásimin jetildirý maqsatynda sheteldik jumys kúshin tartýǵa ruqsattyń áreketin basqa ákimshilik aýmaqtyq birlikterge taratý kózdeledi. Bul jerde ol eki aimaqqa alǵan ruqsattama úshin sol eki aýmaqqa da salyq alymyn tóleýge mindetti bolady. Ekinshiden, sheteldik jumys tartýǵa kvotany ekonomikalyq qyzmet túrlerine bólmei, qyzmetkerler sanaty kategoriialar bólinisinde begileý usynylady. Sonymen qatar, eńbek naryǵyndaǵy qajettiligine jedel den qoiý úshin Úkimettiń sheteldik jumys kúshin tartýǵa arnalǵan kvotany belgileý jónindegi fýnktsiialaryn halyqty jumyspen qamtý máseleleri jónindegi ýákiletti organǵa, iaǵni Eńbek ministrligine berý usynylady», - dedi ministr.
Budan bólek, B. Nurymbetov kóshi-qon protsesteri salasyndaǵy quqyqtyq bazany keńeitý jáne zańsyz kóshi-qonnyń jolyn kesý maqsatyndaǵy qadamdarǵa toqtaldy.
Osy oraida, ulttyq zańnamada readmissiiaǵa arnalǵan quqyqtyq negizderdiń joqtyǵynan, ulttyq zańnamaǵa readmissiia jónindegi halyqaralyq erejelerdi engizý usynylǵan. Sondai-aq atqarýshylyq is júrgizý boiynsha bereshegi bar adamdardyń ketýine shekteýler kózdelgen tolyqtyrýlar engizý, sheteldikter úshin turaqty turýǵa ruqsat berý úshin 4 AEK mólsherinde memlekettik bajdy engizý eskerilgen.
Budan buryn habarlanǵandai, zań jobasynda Qazaqstanǵa kelgen etnikalyq repatrianttar men qonys aýdarýshylar úshin qolaily jaǵdailar jasaý eskerilgen.
