Qazir Qazaqstanda 21 300 sheteldik jumysshy eńbek etedi, sonyń 4300-i – qytailyq. Bul týraly búgin eńbek jáne halyqty áleýmettik qorǵaý ministri Birjan Nurymbetov málimdedi, dep habarlaidy Sputnik Qazaqstan.
"Búginde 21 300 sheteldik maman jumys istep júrse, sonyń 4300-i – qytailyq. Iá, úlesi basqalarǵa qaraǵanda kóbirek. Biraq, eger sońǵy tórt jylmen salystyrsaq, 2016 jyly 12-13 myńdai qytailyq eńbek etti, odan keiin 9 myń, 6 myń boldy. Qazir – 4300. Sondyqtan resmi ruqsattama boiynsha istep jatqan qytailyq jumysshylar sany azaiyp keledi", - dedi Nurymbetov úkimet kýlýarynda.
Aitýynsha, sheteldik jumysshylar eń kóp qurylys jáne taý-ken óndirý salasyna tartylǵan.
Ministrlik bas prokýratýranyń bastamasymen sheteldik jumysshylar tartylǵan iri kásiporyndardy tekserip shyqqan.
"Birinshi kezeńde 50-den asa sheteldik jumys kúshin tartatyn 63 iri kompaniiany tekserdik. Nátijesinde, eńbek zańnamasyn buzýdyń 700-ge jýyq faktisi anyqtaldy. Ókinishke qarai, 24 kompaniiada sheteldik jáne otandyq mamandardyń jalaqysy men turmystyq jaǵdaiynda aiyrmashylyq aiqyndaldy. Osyndai 400 fakti tirkeldi", - dedi vedomstvo basshysy.
Ekinshi kezeńde otyzdan asa sheteldik jumysshy isteitin 34 mekeme tekserilip jatyr. Nurymbetovtiń sózinshe, 14 kompaniianyń tekserisi aiaqtaldy. Tórt kásiporynda qazaqstandyq mamandar sheteldikterden az jalaqy alǵan.
Ministr tekseris jalǵasyp jatqanyn aitty.
