Aǵymdaǵy jylǵy 1 qyrkúiektegi jaǵdai boiynsha 145 myńnan astam jas azamat Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshylary boldy.
Onyń ishinde 19,2 myń azamat kolledjder men joǵary oqý oryndarynyń túlekteri, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Osy jyldyń 8 aiynda 134,8 myń jas jumyspen qamtyldy, onyń ishinde 76,1 myńnan astam adam áleýmettik jumys oryndaryna, jastar praktikasyna jáne qoǵamdyq jumystarǵa jiberildi. 4,5 myń jas eńbek naryǵynda suranysqa ie daǵdylar men mamandyqtar boiynsha qysqa merzimdi oqýǵa jiberildi, al 6,4 myń adam jeńildetilgen mikrokreditter men qaitarymsyz granttarǵa ie boldy.
Sonymen qatar, jumys berýshilerdi eńbek tájiribesi joq jastardy qabyldaýǵa yntalandyrý jáne eńbek naryǵynda jastardyń básekege qabilettiligin arttyrý maqsatynda «Eńbek» memlekettik baǵdarlamasy aiasynda alǵash ret jumys izdep júrgen túlekterge barlyq menshik nysanyndaǵy uiymdarda qajetti eńbek daǵdylaryn úiretý úshin olardy jumysqa ornalastyrýdy kózdeitin «Alǵashqy jumys orny» jobasy iske asyrylýda.
«Kópbalaly jáne tabysy az otbasylardan shyqqan kolledjder men joǵary oqý oryndarynyń túlekteri, sondai-aq oqýyn aiaqtaǵan ári eńbekke qabiletti múgedekter «Alǵashqy jumys orny» jobasy boiynsha basym quqyqqa ie», - dedi QR Eńbek jáne halyqty áleýmettik qorǵaý ministrligi Halyqty jumyspen qamtý departamenti direktorynyń orynbasary Aziz Ibragimov.
Jalpy elimiz boiynsha osy jyly «Eńbek» baǵdarlamasyna 430 myń adam qatysyp, olarǵa túrli qoldaý sharalary kórsetildi. 279,8 myń adam jumyspen qamtylsa, onyń ishinde 146,7 myń adam turaqty jumysqa kirdi. 159,8 myńnan astam adam sýbsidiialanatyn jumys oryndarymen qamtyldy. Biznes-ideialardy damytýǵa 6 984 mikrokredit jáne 20,4 myń grant berildi. 28,4 myń azamat kásipkerlik negizderine qysqa merzimdi oqýdan ótýde.
