اعىمداعى جىلعى 1 قىركٷيەكتەگٸ جاعداي بويىنشا 145 مىڭنان استام جاس ازامات نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان «ەڭبەك» مەملەكەتتٸك باعدارلاماسىنىڭ قاتىسۋشىلارى بولدى.
ونىڭ ٸشٸندە 19,2 مىڭ ازامات كوللەدجدەر مەن جوعارى وقۋ ورىندارىنىڭ تٷلەكتەرٸ, دەپ حابارلايدى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸ.
وسى جىلدىڭ 8 ايىندا 134,8 مىڭ جاس جۇمىسپەن قامتىلدى, ونىڭ ٸشٸندە 76,1 مىڭنان استام ادام ەلەۋمەتتٸك جۇمىس ورىندارىنا, جاستار پراكتيكاسىنا جەنە قوعامدىق جۇمىستارعا جٸبەرٸلدٸ. 4,5 مىڭ جاس ەڭبەك نارىعىندا سۇرانىسقا يە داعدىلار مەن ماماندىقتار بويىنشا قىسقا مەرزٸمدٸ وقۋعا جٸبەرٸلدٸ, ال 6,4 مىڭ ادام جەڭٸلدەتٸلگەن ميكروكرەديتتەر مەن قايتارىمسىز گرانتتارعا يە بولدى.
سونىمەن قاتار, جۇمىس بەرۋشٸلەردٸ ەڭبەك تەجٸريبەسٸ جوق جاستاردى قابىلداۋعا ىنتالاندىرۋ جەنە ەڭبەك نارىعىندا جاستاردىڭ بەسەكەگە قابٸلەتتٸلٸگٸن ارتتىرۋ ماقساتىندا «ەڭبەك» مەملەكەتتٸك باعدارلاماسى اياسىندا العاش رەت جۇمىس ٸزدەپ جٷرگەن تٷلەكتەرگە بارلىق مەنشٸك نىسانىنداعى ۇيىمداردا قاجەتتٸ ەڭبەك داعدىلارىن ٷيرەتۋ ٷشٸن ولاردى جۇمىسقا ورنالاستىرۋدى كٶزدەيتٸن «العاشقى جۇمىس ورنى» جوباسى ٸسكە اسىرىلۋدا.
«كٶپبالالى جەنە تابىسى از وتباسىلاردان شىققان كوللەدجدەر مەن جوعارى وقۋ ورىندارىنىڭ تٷلەكتەرٸ, سونداي-اق وقۋىن اياقتاعان ەرٸ ەڭبەككە قابٸلەتتٸ مٷگەدەكتەر «العاشقى جۇمىس ورنى» جوباسى بويىنشا باسىم قۇقىققا يە», - دەدٸ قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ حالىقتى جۇمىسپەن قامتۋ دەپارتامەنتٸ ديرەكتورىنىڭ ورىنباسارى ازيز يبراگيموۆ.
جالپى ەلٸمٸز بويىنشا وسى جىلى «ەڭبەك» باعدارلاماسىنا 430 مىڭ ادام قاتىسىپ, ولارعا تٷرلٸ قولداۋ شارالارى كٶرسەتٸلدٸ. 279,8 مىڭ ادام جۇمىسپەن قامتىلسا, ونىڭ ٸشٸندە 146,7 مىڭ ادام تۇراقتى جۇمىسقا كٸردٸ. 159,8 مىڭنان استام ادام سۋبسيدييالاناتىن جۇمىس ورىندارىمەن قامتىلدى. بيزنەس-يدەيالاردى دامىتۋعا 6 984 ميكروكرەديت جەنە 20,4 مىڭ گرانت بەرٸلدٸ. 28,4 مىڭ ازامات كەسٸپكەرلٸك نەگٸزدەرٸنە قىسقا مەرزٸمدٸ وقۋدان ٶتۋدە.
