Foto: © Sputnik
Iri bizneske eńbek quqyǵyn buzǵany úshin salynatyn ákimshilik sanktsiia mólsheri mardymsyz. Bul jaiynda Májilis depýtattarynyń saýalyna Bas prokýror Berik Asylovtyń jaýabynda aitylǵan, dep habarlaidy Kazinform.
«Qazirgi ýaqytta «ArselorMittal Temirtaý» shahtasyndaǵy sońǵy apat faktisi boiynsha Qylmystyq kodekstiń 277-babynyń 3-bóligi (Taý-ken nemese qurylys jumystaryn júrgizý kezinde qaýipsizdik qaǵidalaryn buzý) boiynsha sotqa deiingi tergeý júrgizilip jatyr. Bas prokýratýra ony baqylaýda ustap otyr. Mundai qaiǵyly oqiǵa - jaýapty tulǵalardyń jumysshylar qaýipsizdigine durys qaramaýynyń, sonymen qatar quqyqtyq retteý men memlekettik baqylaýdyń jetkiliksizdigimen bailanysty túrli faktordyń qalyptasýynyń saldary», - deidi Berik Asylov.
Máselen, onyń atap ótýinshe, iri biznes sýbektilerine jumysshylardyń eńbek quqyqtaryn buzǵany úshin salynatyn ákimshilik sanktsiia (aiyppul kólemi 500 myń teńgeden aspaidy) mardymsyz. Sondyqtan olardy "tártipke tartý" ádisteri jumys istemeidi.
«Buǵan qosa, zańnamalyq aktilerde jaraqattaný jáne qaýipsizdik tehnikasy erejeleriniń óreskel buzylý faktileri baiqalǵan kásiporyndardy jyl saiyn tekserýge múmkindik beretin normalar joq», - deidi Asylov.
Bas prokýrordyń atap ótýinshe, mundai kásiporyndarǵa zańnamalyq sharalar qabyldaýǵa qatysty másele el Úkimetinde qarastyrylyp jatyr.
Aita keteiik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat bolyp, 46 kenshi qaza tapty.
