Almatyda birqatar jumys berýshi jumysshylaryn májbúrli demalysqa jibergen. Bul týraly onlain brifingte qalalyq Áleýmettik ál-aýqat basqarmasynyń basshysy Rahat Shimasheva aitty, dep habarlaidy "Ult aqparat".
Onyń aitýynsha, jumysynan airylǵan qala turǵyndarynan shaǵymdar óte kóp túsip jatyr.
«Eńbek inspektsiiasyna kóp shaǵymdar túsip jatyr. Jalaqysy saqtalmaityn demalysqa ketken 200 adamnan aryz tústi. Bul shaǵymdar boiynsha tekserýdi TJ rejimi aiaqtalǵan soń bastaimyz. Ázirge barlyq jospardan tys tekserýler, qoǵamdyq qabyldaý júrgizýge tyiym salynǵan. Eger adamdar osyndai quqyqbuzýshylyqpen betpe bet kelse, olar bizge jazbasha ótinish bere alady. Biz shekteý aiaqtalǵan soń ainalysatyn bolamyz», - dedi Rahat Shimasheva.
Buǵan deiin biz 42500 teńgeni alýǵa 67 000 turǵyn ótinish bergenin jazǵan bolatynbyz.
