Nur-Sultan qalasy bas sanitar dárigeriniń orynbasary Janna Pralieva jazǵy eńbek demalysyna shyqqan turǵyndardyń jaýapsyzdyǵy epidemiologiialyq ahýaldy ýshyqtyrǵanyn málim etti, dep habarlaidy "Ult aqparat".
«Aýrýdyń taralýy kúrt artýyna jazǵy eńbek demalystary men kanikýldar da da sebep bolyp otyr. Adamdar el ishinde qaladan-qalaǵa kóp qatynap jatyr. Sapar barysynda qorǵanys sharalaryn saqtamaidy. Maska rejimin ustanbai, adamdar kóp shoǵyrlanatyn sharalarǵa jii barady. Aýrý juqtyrǵandardyń 53 paiyzy saýda jáne qoǵamdyq tamaqtaný oryndaryna, kóńil kóterý mekemelerine barǵan. 34 paiyzy úi jaǵdaiynda juqtyrsa, 17 paiyzy jumys ornynda aýrýǵa shaldyqqan. Bul jumys oryndarynda da maska rejimi men áleýmettik qashyqtyq saqtalmaitynyn kórsetedi», - dedi maman qalalyq ákimdiktiń onlain brifinginde.
Janna Pralieva eńbek ujymdarymen birge qyzmet kórsetý nysandary da saqtyq sharalaryn kózge ilmei otyrǵanyn jetkizdi. Tekserýler men reidter kezinde qyzmetine shekteý qoiylǵan mekemeler izin ala óz betimen jumysyn jalǵastyrǵan jaittar tirkelgen.
