1 naýryzdaǵy málimet boiynsha, Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna 109,7 myń adam qatysty, dep habarlaidy "Ult aqparat".
«100,4 myń adam jumysqa ornalastyryldy, onyń 32,8 myńy – turaqty jumysqa. Baǵdarlamanyń birinshi baǵyty aiasynda qysqa merzimdi kýrstarǵa 236 adam jiberildi.
Óz isin ashý úshin 1,2 myń adam memlekettik grant aldy.
Sýbsidiialanatyn jumys oryndaryna 68,6 myń adam jumysqa ornalastyryldy, onyń ishinde: áleýmettik jumys oryndaryna – 9,7 myń; jastar praktikasyna – 5,1 myń; qoǵamdyq jumystarǵa – 53,8 myń adam», - dedi QR Eńbek jáne halyqty áleýmettik qorǵaý ministrliginen.Sondai-aq málim etilgendei, eńbek resýrstarynyń utqyrlyǵy sheńberinde 35 otbasy nemese 97 adam qonys aýdardy, onyń ishinde 47 adam eńbekke qabiletti jasta. Eńbekke qabiletti 23 adam kóshken jeri boiynsha turaqty jumys ornyna ornalastyryldy.
Aita keteiik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy. Jappai kásipkerlikti damytýǵa 12,7 myń mikrokredit jáne jańa biznes-ideialardy iske asyrýǵa 44,9 myń memlekettik qaitarymsyz grant berildi.
Qysqa merzimdi oqytý kýrstaryna 18,7 myń adam jiberildi, al TjKB uiymdarynda oqytýmen 18,4 myń adam qamtyldy.
Budan basqa, eńbek resýrstarynyń utqyrlyǵyn arttyrý sheńberinde jumys kúshi artyq óńirlerden quramynda 5,8 myń adam bar 1,8 myń otbasy qonys aýdardy.
