1 ناۋرىزداعى مەلٸمەت بويىنشا, نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان «ەڭبەك» مەملەكەتتٸك باعدارلاماسىنا 109,7 مىڭ ادام قاتىستى, دەپ حابارلايدى "ۇلت اقپارات".
«100,4 مىڭ ادام جۇمىسقا ورنالاستىرىلدى, ونىڭ 32,8 مىڭى – تۇراقتى جۇمىسقا. باعدارلامانىڭ بٸرٸنشٸ باعىتى اياسىندا قىسقا مەرزٸمدٸ كۋرستارعا 236 ادام جٸبەرٸلدٸ.
ٶز ٸسٸن اشۋ ٷشٸن 1,2 مىڭ ادام مەملەكەتتٸك گرانت الدى.
سۋبسيدييالاناتىن جۇمىس ورىندارىنا 68,6 مىڭ ادام جۇمىسقا ورنالاستىرىلدى, ونىڭ ٸشٸندە: ەلەۋمەتتٸك جۇمىس ورىندارىنا – 9,7 مىڭ; جاستار پراكتيكاسىنا – 5,1 مىڭ; قوعامدىق جۇمىستارعا – 53,8 مىڭ ادام», - دەدٸ قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنەن.سونداي-اق مەلٸم ەتٸلگەندەي, ەڭبەك رەسۋرستارىنىڭ ۇتقىرلىعى شەڭبەرٸندە 35 وتباسى نەمەسە 97 ادام قونىس اۋداردى, ونىڭ ٸشٸندە 47 ادام ەڭبەككە قابٸلەتتٸ جاستا. ەڭبەككە قابٸلەتتٸ 23 ادام كٶشكەن جەرٸ بويىنشا تۇراقتى جۇمىس ورنىنا ورنالاستىرىلدى.
ايتا كەتەيٸك, 2020 جىلى «ەڭبەك» مەملەكەتتٸك باعدارلاماسىنا 649 مىڭ ادام قاتىستى. 437,3 مىڭ ادام جۇمىسقا ورنالاستىرىلدى, ونىڭ 319,2 مىڭى تۇراقتى جۇمىسقا تۇردى. جاپپاي كەسٸپكەرلٸكتٸ دامىتۋعا 12,7 مىڭ ميكروكرەديت جەنە جاڭا بيزنەس-يدەيالاردى ٸسكە اسىرۋعا 44,9 مىڭ مەملەكەتتٸك قايتارىمسىز گرانت بەرٸلدٸ.
قىسقا مەرزٸمدٸ وقىتۋ كۋرستارىنا 18,7 مىڭ ادام جٸبەرٸلدٸ, ال تجكب ۇيىمدارىندا وقىتۋمەن 18,4 مىڭ ادام قامتىلدى.
بۇدان باسقا, ەڭبەك رەسۋرستارىنىڭ ۇتقىرلىعىن ارتتىرۋ شەڭبەرٸندە جۇمىس كٷشٸ ارتىق ٶڭٸرلەردەن قۇرامىندا 5,8 مىڭ ادام بار 1,8 مىڭ وتباسى قونىس اۋداردى.
