Jyl basynda ulttyq ekonomika ministri bolyp taǵaiyndalǵan Áset Erǵaliev Qazaqstanda azyq-túliktiń qymbattaýyna qatysty pikir bildirdi. Ministr bul týraly inbusiness.kz basylymyna bergen suhbatta aitty, - dep habarlaidy Tengrinews.kz.
Buǵan deiin Ulttyq ekonomika ministrligi osy máselege jaýapty bolǵan. Búginde bul mindet Saýda ministrligine júktelgen.
"Biz óz tarapymyzdan, Ulttyq ekonomika ministrligi retinde bul máselemen de ainalysamyz. Áriptesterimizben talqylaý barysynda máseleni sheshý boiynsha usynysymyzdy aitamyz. Baǵanyń ósýi týraly sóz bolǵanda, ol jerde importtalǵan infliatsiia úlesi bary túsinikti. Iaǵni birinshi orynǵa negizgi import almastyrý shyǵady. Buǵan júieli túrde kelý kerek. Kez kelgen taýar óndirisiniń barlyq tizbegin qarastyra otyryp, biznespen birlesip, memlekettik qoldaýdyń qajet yntalandyrý sharalaryn qalyptastyryp, osy jumysty búkil tizbek boiynsha qurý kerek", - dedi Áset Erǵaliev.
