Ulttyq ekonomika ministri Timýr Súleimenov Prezidenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýyn iske asyrý jónindegi jalpyulttyq is-sharalar josparynyń jobasy talqylanǵan Úkimet otyrysynda eń tómengi jalaqy kezeń-kezeńmen kóteriletinin aitty, dep habarlaidy Baq.kz tilshisi.
Ol jalpyulttyq jospardy aldaǵy kezeńge arnalǵan memlekettik damýdyń alty túiini boiynsha 100 is-shara kózdelgenin atap ótti.
«Halyq tabysynyń ósýi atty birinshi mindet sheńberinde 24 is-shara kózdelip otyr. Olar jalaqynyń ósýi jáne jańa jumys oryndarynyń ashylýy esebinen qazaqstandyqtardyń tabysyn arttyrýǵa baǵyttalady. Atap aitqanda, 2019 jyldyń 1 qańtarynan bastap eń tómengi jalaqy mólsheri kezeń-kezeńimen kóteriledi. Biýdjet salasynyń jumyskerleriniń jekelegen sanattarynyń jalaqysy ulǵaitylady. Tabiǵi monopoliialar turǵyn úi kommýnaldyq sharýashylyq salasyndaǵy zańnama jetildiretin bolady. «Biznestiń Jol kartasy – 2020» memlekettik baǵdarlamasy jyl saiyn keminde 30 mlrd teńgemen qosa qarjylandyra otyryp, 2025 jylǵa deiin uzartylady», - dedi Ulttyq ekonomika ministri.
