Keler jyly elimizde eń tómengi jalaqy 42500 teńgeden 60 myń teńgege artady. Bul týraly Prezident Qasym-Jomart Toqaev Qazaqstan halqyna kezekti Joldaýynda aitty, dep habarlaidy "Ult aqparat".
«Bizde eń tómengi jalaqy mólsheri 2018 jyldan beri ósken joq. Qoronavirýsqa bailanysty álemdik daǵdarys turǵyndardyń tabysyna keri áser etti. Onyń ústine Qazaqstan eń tómengi jalaqy deńgeii boiynsha TMD-nyń birqatar elderinen artta qalyp qoidy. Sondyqtan, 2022 jylǵy 1 qańtardan bastap eń tómengi jalaqyny qazirgi 42,5 myń teńgeden 60 myń teńgege deiin kóterý týraly sheshim qabyldadym.
Bul shara bir millionnan astam adamǵa tikelei, al búkil eńbekkerlerge janama áser etedi. Sonymen birge, kólemi búginde jariia etilip júrgen jalaqynyń 30, tipti keide 40 paiyzyna deiin jetetin «kóleńkeli» eńbekaqy qoryn azaitady.
Eń tómengi jalaqy mólsherin kóbeitý ishki tutynýdy ósirip, ekonomikaǵa oń áser etedi. Sarapshylardyń baǵalaýy boiynsha, bul Ishki jalpy ónimdi 1,5 paiyzǵa arttyrady.
Budan bylai eń tómengi jalaqyny salyqtyq, áleýmettik jáne basqa da salalarda eseptik kórsetkish retinde orynsyz paidalanýdy qoiý kerek», - dedi Memleket basshysy.
