«Emmi-2021» syilyǵynyń nominanttary jariialandy. 73-shi marapattaý rásimi 19 qyrkúiekte Los-Anjeleste ótedi, dep habarlaidy Euronews agenttigi.
Netflix-tiń «The Crown» jáne «Disney+» striming servisiniń «The Mandalorian» teleserialdary tizimde kósh bastap tur: olardyń árqaisyna 24 nominatsiiadan tiesili.
«Dramalyq serialdaǵy úzdik aktrisa» sanatyndaǵy marapatqa «The Crown» serialynyń aktrisalary Oliviia Kolman men Emma Korrin usynyldy.
Olar Ekinshi Elizaveta patshaiym men Diana hanymnyń rólin somdaǵan bolatyn.
«The Mandalorian» – alǵashqy oiyn serialy, «Star wars» filmder jelisiniń quramdas bóligi.
Serial siýjeti «Return of the Jedi» filmindegi oqiǵalardan bes jyl ótkennen keiin oryn alady.
Basty róldi – jalǵyz júretin ańshy Din Djarindi Pedro Paskal somdady.
1990 jyldan bastap WarnerMedia bólimshesi – HBO (Home Box Office) kabeldik jáne spýtniktik teledidar jelileri arasynda nominatsiialar sany boiynsha kósh bastap keledi.
Onyń qorjynynda 130 nominatsiia bar.
«Úzdik komediialyq serial» sanatyndaǵy marapatqa 8 kartina talasady: «Black-ish», «Cobra Kai», «Emily in Paris», «The Flight Attendant», «Hacks», «The Kominsky Method», «PEN15», «Ted Lasso».
Eń úzdik mini-serial ataǵy úshin «The Queen's Gambit», «I May Destroy You», «Mare of Easttown», The «Underground Railroad» jáne «WandaVision» serialdary baq synaidy.
«Emmi» (Primetime Emmys) – teledidar ekranyndaǵy úzdik jumystarǵa beriletin eń bedeldi marapattardyń biri.
Qolynda simvoldyq atomy bar qanatty áiel túrindegi altyn músinshelerdi Teledidar óneri jáne ǵylymdar akademiiasy tabystaidy.
Sheshimdi onyń 23 myńǵa jýyq múshesi qabyldaidy.
