«Aziialyq Oskar» retinde tanylǵan, jyl saiyn ótetin «Asia Pacific Screen Awards» beldi kinojúldesi úmitkerlerdiń tizimin jariialady, dep habarlaidy "Ult aqparat" tilshisi «Qazaqfilm» kinostýdiiasynyń baspasóz qyzmetine silteme jasap.
Qazaqstandyq rejisser Emir Baiǵazinniń «Ózen» filmi «Rejissýradaǵy tabystar» nominatsiiasynan kórinip otyr. 12-shi Asia Pacific Screen Awards júldesiniń jeńimpazdaryn Aýstraliianyń Brisben qalasynda 29 qarashada jariialaityn bolady.
Aita ketsek, Emir Baiǵazin 2013 jyly «Aslannyń sabaqtary» filmi úshin osy atalymda baq synap, kinojúldeniń joǵary baǵasyna ie bolǵan (Hight commendation) edi.
Odan bólek, «Ózen» filmi Los-Andjeleste ótetin Asian World film festival kinofestivaliniń konkýrstyq baǵdarlamasyna qatysady. Sondai-aq, atalǵan kinotýyndy Varshavadaǵy jáne San Paolodaǵy festivaldiń arnaiy baǵdarlamalarynda kórsetiledi. Al «Ózen» filminiń aziialyq tusaýkeseri ústimizdegi jyly 25 qazan men 3 qarashada Tokiodaǵy halyqaralyq kinofestivaldiń konkýrstyq baǵdarlamasy sheńberinde ótedi.
«Ózen» filmine qatysty jańalyqtar meni jáne meniń komandamdy árine qýantady. Osy oraida, komandama alǵysymdy bildirgim keledi. Olar tek maǵan emes, sonymen qatar meniń ideialaryma qashan da adal. Sondai-aq, maǵan qoldaý kórsetip, senim bildirgen Mádeniet jáne sport ministrliginiń bashylyǵyna alǵys aitamyn. Bolashaqta da qarym-qatynastarymyz nyǵaiyp, ortaq tabystarǵa qol jetkizetinimizge senimdimin», - dedi rejisser.
Aita keterligi, «Ózen» filminiń álemdik tusaýkeseri Venetsiia kinofestivali sheńberinde ótken bolatyn.
Eske sala ketsek, buǵan deiin Emir Baiǵazinniń «Ózen» filmi Gollivýdtik baspasóz qaýymdastyǵynyń grantyn alǵan bolatyn.
