«ازييالىق وسكار» رەتٸندە تانىلعان, جىل سايىن ٶتەتٸن «Asia Pacific Screen Awards» بەلدٸ كينوجٷلدەسٸ ٷمٸتكەرلەردٸڭ تٸزٸمٸن جارييالادى, دەپ حابارلايدى "ۇلت اقپارات" تٸلشٸسٸ «قازاقفيلم» كينوستۋديياسىنىڭ باسپاسٶز قىزمەتٸنە سٸلتەمە جاساپ.
قازاقستاندىق رەجيسسەر ەمير بايعازيننٸڭ «ٶزەن» فيلمٸ «رەجيسسۋراداعى تابىستار» نوميناتسيياسىنان كٶرٸنٸپ وتىر. 12-شٸ Asia Pacific Screen Awards جٷلدەسٸنٸڭ جەڭٸمپازدارىن اۋسترالييانىڭ بريسبەن قالاسىندا 29 قاراشادا جارييالايتىن بولادى.
ايتا كەتسەك, ەمير بايعازين 2013 جىلى «اسلاننىڭ ساباقتارى» فيلمٸ ٷشٸن وسى اتالىمدا باق سىناپ, كينوجٷلدەنٸڭ جوعارى باعاسىنا يە بولعان (Hight commendation) ەدٸ.
ودان بٶلەك, «ٶزەن» فيلمٸ لوس-اندجەلەستە ٶتەتٸن Asian World film festival كينوفەستيۆالٸنٸڭ كونكۋرستىق باعدارلاماسىنا قاتىسادى. سونداي-اق, اتالعان كينوتۋىندى ۆارشاۆاداعى جەنە سان پاولوداعى فەستيۆالدٸڭ ارنايى باعدارلامالارىندا كٶرسەتٸلەدٸ. ال «ٶزەن» فيلمٸنٸڭ ازييالىق تۇساۋكەسەرٸ ٷستٸمٸزدەگٸ جىلى 25 قازان مەن 3 قاراشادا توكيوداعى حالىقارالىق كينوفەستيۆالدٸڭ كونكۋرستىق باعدارلاماسى شەڭبەرٸندە ٶتەدٸ.
«ٶزەن» فيلمٸنە قاتىستى جاڭالىقتار مەنٸ جەنە مەنٸڭ كوماندامدى ەرينە قۋانتادى. وسى ورايدا, كومانداما العىسىمدى بٸلدٸرگٸم كەلەدٸ. ولار تەك ماعان ەمەس, سونىمەن قاتار مەنٸڭ يدەيالارىما قاشان دا ادال. سونداي-اق, ماعان قولداۋ كٶرسەتٸپ, سەنٸم بٸلدٸرگەن مەدەنيەت جەنە سپورت مينيسترلٸگٸنٸڭ باشىلىعىنا العىس ايتامىن. بولاشاقتا دا قارىم-قاتىناستارىمىز نىعايىپ, ورتاق تابىستارعا قول جەتكٸزەتٸنٸمٸزگە سەنٸمدٸمٸن», - دەدٸ رەجيسسەر.
ايتا كەتەرلٸگٸ, «ٶزەن» فيلمٸنٸڭ ەلەمدٸك تۇساۋكەسەرٸ ۆەنەتسييا كينوفەستيۆالٸ شەڭبەرٸندە ٶتكەن بولاتىن.
ەسكە سالا كەتسەك, بۇعان دەيٸن ەمير بايعازيننٸڭ «ٶزەن» فيلمٸ گولليۆۋدتٸك باسپاسٶز قاۋىمداستىعىنىڭ گرانتىن العان بولاتىن.
