Álemniń 6 rejisseri Hollywood Foreign Press Association uiymynyń birinshi rezidenttik grantyna ie boldy. Olardyń qataryna Venetsiia kinofestivaliniń «Kókjiekter» (Gorizonty) baǵdarlamasynda «Úzdik rejisser» atalymy boiynsha júldeger bolǵan Emir Baiǵazin kirdi, dep habarlaidy QR MSM baspasóz qyzmeti.
Úzdik kinematografister 2-23 qańtar aralyǵynda seminarlar kýrsyn, tanymal rejissiorlerdiń sheberlik synyptaryna qatysý úshin Los-Andjeles qalasyna attanady. Júldegerler Film Independent uiymdastyrǵan is-sharalarǵa, sondai-aq 76-jyl saiynǵy «Altyn globýs» saltanatyna qatysady.
Torontoda ótip jatqan kinofestivalde «Tuǵyrnama/Platforma» konkýrstyq baǵdarlamasynyń júldegerleri belgili boldy. Sektsiianyń jalǵyz júldesin rejisser Ho Vi-Dinniń «Baqytty qala» filmi alsa, Emir Baiǵazinnyń «Ózen» týyndysy ádilqazylar alqasynyń erekshe yqylasyna ie boldy.
TIFF «Tuǵyrnama/Platforma» ádilqazylar alqasynyń múshesi Li Chhan Don: «Festival boiy biz avtorlyq kinonyń bolashaǵy senimdi qoldarda ekendigine senim bergen 12 filmdi kórip shyqtyq. Eń úlken qiyndyq - bir ǵana rejisserdi tańdap alý boldy. Ádilqazylar alqasynyń atynan (Bela Tarr, Mira Nair, Li Chang-don) Emir Baiǵazin men onyń poetikalyq tarih pen tańǵaldyrarlyq sýretterge toly biregei jáne keremet «Ózen» týyndysyn erekshe atap ótkip keledi» - dedi.
Óz kezeginde rejisser filmniń túsirý komandasynyń jumysyn atap ótip, «Men Venetsiia kinofestivalindegi jeńisimizben quttyqtaǵan barlyq qazaqstandyqtarǵa, senim men qoldaý kórsetken Qazaqstan Respýblikasy Mádeniet jáne sport Ministrliginiń basshylyǵyna, akterlar men komandama alǵys bildirgim keledi» - dedi.
Resmi press steitmentte qazaqstandyq týyndy týraly «Biz tartymdy vizýaldyq sheshimder men batyl ári baiqampaz tózimdi stil, naqty jáne qyzyq qolóner arqyly órnektelgen álemge endik» delingen.
Screendaily uiymdastyrǵan halyqaralyq kinosynshylar reitingisine súiensek, 1-orynda qazaqstandyq «Ózen» týyndysy jáne argentinalyq Benjamin Naishtattyń «Roho» filmi tur.
