Atyraý oblysynda munai ken oryndarynyń tobyn óndirýmen ainalysyp jatqan «Embimunaigaz» kompaniiasyna jańa basshy keldi. Bul týraly "Ult aqparat" «Embimunaigaz» AQ qoǵammen bailanys bólimine silteme jasap habarlaidy.
«Direktorlar keńesiniń sheshimimen «Embimunaigaz» AQ basqarma tóraǵasy qyzmetine Esen Qaiyrjan taǵaiyndaldy. Ol 1962 jyldyń 15 qarashasynda Atyraý oblysynda týǵan. V. I. Lenin atyndaǵy Qazaq politehnikalyq institýtyn, V. P. Goriachkina atyndaǵy Máskeý memlekettik agroinjenerlik ýniversitetin, RF Úkimeti janyndaǵy halyq sharýashylyǵy akademiiasyn bitirgen.
Eńbek jolyn Mańǵyshlaqta 5-razriadty slesar-jóndeýshisi bolyp bastaǵan. «Torǵai-Petroleým» AQ bas direktory qyzmetin atqarǵan, «Qumkól-Lýkoil» AQ, «Óńtústikmunaigaz» GAQ, «Mańǵyshlaqmunai» birlestiginiń «Jetibaimunai» MGÓB kompaniialarynda jumys istegen. «Qarajanbasmunai» AQ jáne «Qazgermunai» BK» JShS prezidenti bolǵan. 2018 jyldan beri «QazMunaiGaz» UK» AQ satyp alýlar jáne jabdyqtaý jónindegi basqarýshy direktory qyzmetin atqarǵan.
