Burynǵy Densaýlyq saqtaý ministri Eljan Birtanovty úiqamaqta ustaý merzimi taǵy bir aiǵa uzartyldy, dep habarlaidy QazAqparat.
«Joǵaryda atalǵandardy nazarǵa ala otyryp, qazirgi bultartpaý sharalaryn ózgertýge negiz bolatyn sebepterdiń joq ekenin eskerip, sot sheshimge keldi. E.Birtanovqa qatysty úiqamaqta merzimin uzartý týraly ótinishi negizdi dep uiǵardy. Osylaisha sot kúdikti E.Birtanovtyń úiqamaqta ustaý merzimin 2 aiǵa deiin uzartý kerek dep esepteidi. Úiqamaqta ustaý merzimi 2021 jyldyń 14 qarashasynan 2022 jyldyń 14 qańtaryna deiin esepteledi», - dedi Nur-Sultan qalasynyń mamandandyrylǵan aýdanaralyq tergeý sotynyń sýdiasy Aqmaral Isaeva.
Eske salsaq, byltyr burynǵy densaýlyq saqtaý ministri Eljan Birtanov qamaýǵa alynǵan bolatyn. Oǵan qatysty asa iri kólemde biýdjet qarajatyn ysyrap etý faktisi boiynsha qylmystyq is tergelip jatyr.
Buǵan deiin Qarjy monitoringi agenttigi burynǵy Densaýlyq saqtaý ministri Eljan Birtanovqa qatysty qylmystyq isti tergeý merzimi sozylatyny týraly aqparatty joqqa shyǵarǵan bolatyn.
Bir ai buryn Eljan Birtanovtyń úiqamaqta bolý merzimi 14 qarashaǵa deiin uzartylǵan edi.
