بۇرىنعى دەنساۋلىق ساقتاۋ مينيسترٸ ەلجان بٸرتانوۆتى ٷيقاماقتا ۇستاۋ مەرزٸمٸ تاعى بٸر ايعا ۇزارتىلدى, دەپ حابارلايدى قازاقپارات.
«جوعارىدا اتالعانداردى نازارعا الا وتىرىپ, قازٸرگٸ بۇلتارتپاۋ شارالارىن ٶزگەرتۋگە نەگٸز بولاتىن سەبەپتەردٸڭ جوق ەكەنٸن ەسكەرٸپ, سوت شەشٸمگە كەلدٸ. ە.بٸرتانوۆقا قاتىستى ٷيقاماقتا مەرزٸمٸن ۇزارتۋ تۋرالى ٶتٸنٸشٸ نەگٸزدٸ دەپ ۇيعاردى. وسىلايشا سوت كٷدٸكتٸ ە.بٸرتانوۆتىڭ ٷيقاماقتا ۇستاۋ مەرزٸمٸن 2 ايعا دەيٸن ۇزارتۋ كەرەك دەپ ەسەپتەيدٸ. ٷيقاماقتا ۇستاۋ مەرزٸمٸ 2021 جىلدىڭ 14 قاراشاسىنان 2022 جىلدىڭ 14 قاڭتارىنا دەيٸن ەسەپتەلەدٸ», - دەدٸ نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتىنىڭ سۋدياسى اقمارال يساەۆا.
ەسكە سالساق, بىلتىر بۇرىنعى دەنساۋلىق ساقتاۋ مينيسترٸ ەلجان بٸرتانوۆ قاماۋعا الىنعان بولاتىن. وعان قاتىستى اسا ٸرٸ كٶلەمدە بيۋدجەت قاراجاتىن ىسىراپ ەتۋ فاكتٸسٸ بويىنشا قىلمىستىق ٸس تەرگەلٸپ جاتىر.
بۇعان دەيٸن قارجى مونيتورينگٸ اگەنتتٸگٸ بۇرىنعى دەنساۋلىق ساقتاۋ مينيسترٸ ەلجان بٸرتانوۆقا قاتىستى قىلمىستىق ٸستٸ تەرگەۋ مەرزٸمٸ سوزىلاتىنى تۋرالى اقپاراتتى جوققا شىعارعان بولاتىن.
بٸر اي بۇرىن ەلجان بٸرتانوۆتىڭ ٷيقاماقتا بولۋ مەرزٸمٸ 14 قاراشاعا دەيٸن ۇزارتىلعان ەدٸ.
