QR Densaýlyq saqtaý ministri Eljan Birtanov elimizde dárilik zattardyń sapasy qalai tekseriletindigin aitty, dep habarlaidy "Ult aqparat".
«Eger adamnyń nemese meditsina qyzmetkeriniń dári-dármek sapasyna kúdigi bolsa, onda ol úshin arnaiy memlekettik organ – Taýarlar men qyzmetterdiń sapasy men qaýipsizdigin baqylaý komiteti bar. Birikken komitettiń qurylymyna Farmatsiialyq baqylaý komiteti, sonymen qatar sanitarlyq saraptama kirip otyr. Osynaý memlekettik organ dári-dármektiń sapasy men qaýipsizdigine jaýap beredi. Tirkelgen shaǵym negizinde «sary karta» dep atalatyn janama áserler bolsa, onda zańnamada bekitilgen standartty protsedýralar boiynsha atalǵan dáriler nemese meditsinalyq maqsattaǵy buiymdar alynady. Sodan keiin oǵan tekserý júrgiziledi», - dedi ministr elordadaǵy Zerthanalyq synaqtar ortalyǵynyń ashylý aiasynda BAQ ókilderine bergen suhbatynda.
Eljan Birtanovtyń atap ótýinshe, dári-dármektiń barlyq túrlerin tekserý synaq zerthanasynda júzege asyrylady.
«Eger dári sapasy sai bolmasa, onda soǵan orai dári-dármek ainalymynan alynyp, naryqqa jiberilmeidi. Alaqol kásipkerge qatysty da tiisti sharalar, onyń ishinde ákimshilik-qylmystyq jaýapkershilik kózdelgen. Bizdiń mindetimiz – barlyq qazaqstandyqqa dári-dármektiń qaýipsizdigin qamtamasyz etý úshin búkil jaǵdai bar ekendigin kórsetý».
Onyń naqtylai túsýinshe, barlyq dári-dármek mindetti tártippin baqylanýy tiis. Alaida Qazaqstannyń qoldanystaǵy zańnamasyna sáikes dárihanalardy tekserýge bolady.
«Mundai jaǵdaida, azamattardan nemese dárigerlerden túsetin shaǵymdar jylyna 2-3 ret kezdesedi. Biz munyń barlyǵyn, iaǵni kontrabandalyq dári-dármektiń bar ekendigin jaqsy túsinemiz. Biz úshin shaǵymnyń túskeni mańyzdy. Dárihanalardy aralap, tekserýge quqyǵymyz joq. Bul – zańǵa qaishy. Bizge jospardan tys, kenetten dárihanalardy tekserýge tyiym salatyn Kásipkerlik kodeks bar. Eger halyqtan jáne meditsina qyzmetkerlerinen shaǵym bolsa, onda tekseremiz. Degenmen mundai jaǵdai sirek kezdesedi», - dedi Eljan Birtanov.
