Mahambet Ótemisuly atyndaǵy Oqýshylar saraiynda bilim salasy qyzmetkerleriniń kásibi merekesine arnalǵan saltanatty jiyn ótti, dep habarlaidy elorda ákimdiginiń resmi saity.
Bilim men tárbie salasynda kórsetken joǵary jetistikteri úshin elordanyń úzdik ustazdaryna arnalǵan merekelik sharaǵa Nur-Sultan qalasy Bilim basqarmasynyń basshysy Ánýar Janǵozin qatysty. Basqarma basshysy ustazdar qaýymyn kásibi merekelerimen quttyqtap, jyly lebizin bildirdi. Kásibi mereke qarsańynda elordanyń 200-den asa muǵalimi QR Bilim jáne ǵylym ministrliginiń Qurmet gramotalarymen, Alǵys hattarymen marapattalady.
Aita keteiik, muǵalimder men pedagogika salasyna eńbegi sińgen ardager ustazdardyń esimi «Elordalyq bilimniń altyn qory» atty kitapqa enetin boldy.
Ustazdar qaýymyna arnalǵan saltanatty shara QR eńbegi sińgen qairatkeri Ardaq Balajanova men saksafonshy Erjan Dúisenbin, Qazaq Ulttyq horeografiia akademiiasy ártisteriniń, M.Ótemisuly atyndaǵy oqýshylar saraiynyń balalar shyǵarmashylyq ujymynyń kontserttik baǵdarlamasyna ulasty.
